Aımaqtar • 28 Mamyr, 2020

Gúlshara Ábdiqalyqova jumys saparymen Jańaqorǵan aýdanynda boldy

31 ret kórsetildi

Oblys ákimi Gúlshara Ábdiqalyqovanyń jumys sapary Jańaqorǵan aýdanynda jalǵasty. Aýdanda 2018-2019 jyldar aralyǵynda memlekettik-jekeshelik áriptestik aıasynda 4 nysan paıdalanýǵa berilgen. Bıyl onnan astam nysannyń el ıgiligine berilýi josparlanýda.

О́ńir basshysy aldymen aýdandaǵy Tómenaryq eldi mekeninde salynatyn aýyldyq aýrýhana jobasymen tanysty. Aýyl aqsaqaldary aımaq basshysynan ǵımarat qurylysyn tezdetip bastaýǵa yqpal etýin surady. Eldimekennen boı kóteretin dárigerlik ambýlatorııa-aýrýhana 15 tósekke laıyqtalǵan.

Munan soń oblys ákimi «Orda Syǵanaq»  JShS-niń shıpajaı jumysyn kórdi. Shıpajaıdyń qurylys jumystary 2017 jyly  sáýir aıynda bastalǵan. Ashylǵan ýaqytta 60 adamdy jumyspen qamtıdy dep josparlanýda.

Sonymen qatar, aýdan ákimdiginde oblys ákimi Gúlshara Ábdiqalyqovanyń tóraǵalyǵymen aýdannyń áleýmettik-ekonomıkalyq damýyna arnalǵan májilis ótti.

-Jalpy 4 aıdyń qorytyndysymen aýdanda ónerkásip óndirisi 1,3%, onyń ishinde óńdeýshi ónerkásip 8,5% artqan. Sondaı-aq, aýyl sharýashylyǵynda da 4,3% ósim baıqalady. Degenmen, esepti kezeńde ınvestısııa kólemi 76,4 %, qurylys jumystary  36,8 %, turǵyn úı qurylysy 98,6 % jáne bólshek saýda aınalymy  80,6 % tómendegen. Osy baǵyttaǵy jumystardy shıratý kerek. Sondaı-aq, bılik turǵyndar úshin árdaıym ashyq bolýy qajet. Sebebi, memlekettiń basty baılyǵy – adam. Bul memlekettik organ úshin ózgermeıtin qaǵıda. El ekonomıkasyn damytýdaǵy qabyldanǵan sharalar maqsatty jáne nátıjeli bolýy kerek, - dedi oblys ákimi.

Oblys basshysy kentte qurylysy byltyr bastalǵan 600 oryndyq mekteptegi jumys barysyn kórdi. Bilim uıasynyń qurylysyn sapaly júrgizip, jyl sońyna deıin paıdalanýǵa berýdi tapsyrdy.

Sondaı-aq, aımaq basshysy Baıkenje aýyldyq okrýgindegi barlaý, óndirý, ýran shıkizatyn qaıta óńdeýge baǵyttalǵan «Baıken-U» JShS-niń kásipornyna bardy.  

Munan keıin, aımaq basshysyna Jańaryq eldi mekenindegi aýyldyq klýbty kúrdeli jóndeý jumysy kórsetildi. Jóndeý jumysyna «Jumyspen qamtý jol kartasy» baǵdarlamasy aıasynda 116 mln 144 myń teńge qarajat bólinip, 45 jumys orny ashylady dep josparlanýda.

Sapar aıasynda óńir basshysy Jańaqorǵan kentindegi memlekettik-jekeshelik áriptestik aıasynda salynǵan sport keshenderiniń problemalyq máselesimen tanysty. Sonymen qatar, kúrdeli jóndeý jumystary memlekettik  baǵdarlamalary arqyly júzege asyrylatyn Jańaqorǵan agrarly-tehnıkalyq kolledjinde boldy. Aýdan ákimi Sultan Maqashov aýdan kóleminde memlekettik baǵdarlama aıasynda júrgizilip jatqan jumystar jóninde baıandady. Oblys ákimi aýdan basshysyna  memlekettik baǵdarlamalar arqyly júzege asatyn jobalar men kúrdeli jóndeý jumystaryn ýaqtyly ári sapaly júrgizý qajettigin mindettedi.

Sapar barysynda oblys ákimi Jańaqorǵan kentindegi qurylysy jańadan salynatyn 300 oryndyq mekteptiń irgetasyn qalaý rásimine qatysyp, Aqúıik aýylyndaǵy salynyp jatqan balabaqsha men gazdandyrý máselesi boıynsha atqarylǵan jumystardy kórdi.  

Oblys ákimi Gúlshara Ábdiqalyqova Jańaqorǵan aýdanyna jumys saparynyń ekinshi kúninde «Shalqııa Sınk LTD» AQ ken ornymen tanysyp, brıfıngke qatysty. 610 adam jumyspen qamtylǵan kásiporyn syrtqy jáne ishki naryqta suranysqa ıe qorǵasyn jáne myrysh konsentrattaryn shyǵarýdy josparlap otyr. TBK jobalyq qýaty-jylyna 4 mln.tonna, tolyq qýatqa shyqqan kezde 1500-den astam adamdy jumyspen qamtamasyz etedi.

Sońǵy jańalyqtar

COVID-19: Arıo bala qalaı qorǵandy?

Rýhanııat • Búgin, 22:59

Eńbekteri elengen jandar

Oqıǵa • Búgin, 21:47

Nur-Sultanda 23 alypsatar ustaldy

Aımaqtar • Búgin, 20:10

Mańǵystaýǵa dári-dármek jetkiziledi

Aımaqtar • Búgin, 19:08

"Teledáriger" jobasy ashyldy

Qazaqstan • Búgin, 18:35

Jurttyń jigerin janyǵan úndeý

Parlament • Búgin, 16:57

Túrkistan jasyl qalaǵa aınalýda

Ońtústik Qazaqstan • Búgin, 16:53

Qazaqstan CORSIA múshesi boldy

Qazaqstan • Búgin, 16:43

Mobıldik toptar jumysy júıeli

Aımaqtar • Búgin, 15:27

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Uqsas jańalyqtar