2014 jyly Qyzylorda oblysynyń Polısııa departamenti Qyzylorda oblysy jáne Baıqońyr qalasy boıynsha Ulttyq qaýipsizdik komıteti departamentinen sot organdary aqtaǵan azamattarǵa qatysty qylmystyq ister, sonymen qatar Uly Otan soǵysy kezinde tutqynǵa túsken burynǵy KSRO azamattary týraly iriktelgen materıaldar qabyldady.
Sol ýaqyttan beri Polısııa departamentine qýǵyn-súrginge ushyraǵan adamdardyń týystarynan, ǵalym-zertteýshilerden, muraǵattar men memlekettik organdardan kóptegen ótinishter men suraý salýlar kelip túsip, onyń 400-ge jýyǵy oń nátıjesin tapty.
«Memorıal» servısine engizilgen aqparattar qýǵyn-súrginge ushyraǵan azamattardyń týǵan jyly, turǵylyqty jeri, tutqyndalǵan ýaqyty, sottalǵandyǵy jáne aqtalǵandyǵy jónindegi málimetterdi quraıdy. Bul aqparattar týystarynyń taǵdyry týraly málimetter izdegen azamattarǵa, sonymen qatar ǵalymdarǵa, tarıhshylarǵa qajet.
Oblys pen Qazaqstannyń basqa da óńirlerinen, TMD elderiniń turǵyndarynan kelgen hattarda osy servıstiń mańyzdylyǵy atalyp ótilgen.
Alǵan aqparattar negizinde Qyzylorda oblysynyń Qarmaqshy aýdanynda saıası qýǵyn-súrgin qurbandary Ahmet Turǵambaev, Tynyshtybaı Jaıshylyqov, Súıindik Bekmyrzaev pen Juqa Tórebaev sekildi jazyqsyz jalaly bolǵan azamattarǵa arnalǵan eskertkish ornatyldy, - deıdi Polısııa departamenti bastyǵynyń orynbasary, polısııa polkovnıgi Jaras Ospanov.
Qazir ishki ister organdarynda jedel-tergeý jáne izdestirý sharalaryn júrgizý úshin quqyq qorǵaý organdary qyzmetkerlerine qajetti keń kólemdi jedel-izdestirý jáne anyqtamalyq aqparattar derekteri jınaqtalǵan. Aqparattandyrý jáne baılanys basqarmasynyń arnaıy memlekettik muraǵaty – ishki ister organdary júıesindegi mańyzdy qurylym sanalady.
