Qazaqstan • 28 Mamyr, 2020

Qyrymbek Kósherbaev jemqorlyqqa qarsy komıssııanyń otyrysyn ótkizdi

29 ret kórsetildi

Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblıkasy Prezıdentiniń janyndaǵy sybaılas jemqorlyqqa qarsy is-qımyl máseleleri jónindegi komıssııanyń otyrysy ótti. Bul týraly Aqordanyń baspasóz qyzmeti habarlady.

Otyrysta eki másele talqylandy, atap aıtqanda, «Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasyn iske asyrý barysy jáne sybaılas jemqorlyq táýekelderine syrtqy taldaý júrgizý qorytyndylary boıynsha engizilgen usynymdardy ýákiletti memlekettik organdardyń oryndaý nátıjeleri týraly» jáne «Sybaılas jemqorlyqqa qarsy mádenıetti qalyptastyrý, bilim berý jáne tárbıeleý máseleleri».

Jıyn barysynda Sybaılas jemqorlyqqa qarsy is-qımyl agenttiginiń, Bilim jáne ǵylym, Qarjy, Densaýlyq saqtaý, Ádilet, Mádenıet jáne sport mınıstrlikteriniń birinshi basshylarynyń baıandamalary tyńdaldy.

Bıyl «2018-2020 jyldarǵa arnalǵan sybaılas jemqorlyqqa qarsy strategııasyn» iske asyrý kezinde is-sharalar josparynyń 37 tarmaǵy sapasyz oryndalǵany (Mádenıet jáne sport mınıstrligi, Bilim jáne ǵylym mınıstrligi), merzimderdiń buzylýy (Aqparat jáne qoǵamdyq damý mınıstrligi, Ádilet mınıstrligi jáne Joǵarǵy Sot), sondaı-aq josparda qoıylǵan mindetterdi túpkilikti iske asyrý kezindegi ózge de kemshilikter (Qarjy mınıstrligi, Densaýlyq saqtaý mınıstrligi) atalyp ótti.

О́tken jyly Sybaılas jemqorlyqqa qarsy qyzmet ortalyq deńgeıde 10 sybaılas jemqorlyq táýekelderin, óńirlik deńgeıde - 226 sybaılas jemqorlyq táýekelderin syrtqy taldaýdan ótkizdi. Olardyń qorytyndysy boıynsha sybaılas jemqorlyq táýekelderin joıý týraly 2096 usynys engizildi, sonyń sheńberinde 800-den astam uıymdastyrý sharalary qabyldandy, 63 normatıvtik-quqyqtyq aktilerge ózgerister jasaldy.

Mysaly, Eńbek jáne halyqty áleýmettik qorǵaý mınıstrligi «Eńbek» memlekettik baǵdarlamasy aıasynda jumysqa ornalasqan tulǵalardyń tóleý tetigin ózgertti.

«Qazavtojol» AQ barlyq ótkiziletin tenderlerge jurtshylyq ókilderiniń mindetti túrde qatysýy jónindegi bóligindegi ishki normatıvtik qujattarǵa ózgerister engizdi, al barlyq memlekettik qyzmetter elektrondyq formatqa aýystyryldy.

Bilim jáne ǵylym mınıstrliginiń Ǵylym komıteti ǵylymı jobalardy qarjylandyrýdy qaraý tártibin qaıta pysyqtady, ulttyq ǵylymı keńesterdiń quramynyń úshten bir bóligi jańartyldy, otyrystardy onlaın translıasııalaý jáne qoıylǵan baldardyń ashyq daýys berý arqyly qyzmettiń ashyqtyǵy men obektıvtiligi qamtamasyz etildi.

Sonymen qatar usynymdardy iske asyrý kezinde problemalyq máseleler bar. Kóbinese ol sybaılas jemqorlyq táýekelderin joıý bir memlekettik organnyń ókilettiginiń sheńberinen shyǵyp, ony sheshýdiń uzaqtyǵyn týyndatatyn faktilerge qatysty.

Memlekettik organdar, uıymdar jáne kvazımemlekettik sektor sýbektileri tarapynan sybaılas jemqorlyq táýekelderin ishki taldaý ınstıtýtyn paıdalaný kezinde belsendi jumystyń joqtyǵy aıtyldy. Máselen, sońǵy 4 jylda memlekettik organdar men uıymdar 10 myńnan astam osyndaı taldaýlar júrgizdi, bul rette tek 175 jaǵdaıda nemese 2% táýekelderdi joıý boıynsha usynymdar qalyptasty.

Ádette taldaýlar qorytyndysy boıynsha anyqtamalar formaldi túrde, kezekti usynymdardy shyǵarý arqyly jasalady nemese sybaılas jemqorlyq táýekelderiniń joqtyǵy múlde naqtylanady. Birqatar memlekettik organdar (SDAО́M, MSM, UEM, SIM, DSM, EÁQM, IIDM, AShM, QM) bul jumysty 2016 jyldan bastap júrgizbegen.

Sybaılas jemqorlyqqa qarsy mádenıetti qalyptastyrý, bilim berý jáne tárbıeleý máseleleri jeke másele retinde qaraldy, onyń ishinde jekelegen elementter sybaılas jemqorlyqqa qarsy jumystardyń bir kelki emestigi atap ótildi.

Osyǵan baılanysty sybaılas jemqorlyqqa qarsy is-qımyl salasyndaǵy qyzmettiń úılestirýshi rólin paıdalana otyryp, bilim berý, aqparattyq jáne uıymdastyrýshylyq sıpattaǵy sharalar keshenin qabyldaý qajettiligine nazar aýdaryldy.

Sybaılas jemqorlyqqa qarsy mádenıetti qalyptastyrý máseleleriniń mańyzdylyǵy men ózektiligin eskere otyryp, oǵan basymdyq berilýi tıis, al qajetti is-sharalar aldaǵy kezeńge arnalǵan sybaılas jemqorlyqqa qarsy strategııany iske asyrý boıynsha josparda kórinis tabýy kerek.

Otyrys qorytyndysy boıynsha Memlekettik hatshy Qyrymbek Kósherbaev Sybaılas jemqorlyqqa qarsy strategııany óz deńgeıinde iske asyrýdy uıymdastyrý, sybaılas jemqorlyq táýekelderine taldaý júrgizý, sondaı-aq, Memleket basshysynyń talaptary aıasynda qoǵamda sybaılas jemqorlyqqa qarsy mádenıetti qalyptastyrý jóninde tapsyrma berdi.

Sońǵy jańalyqtar

COVID-19: Arıo bala qalaı qorǵandy?

Rýhanııat • Búgin, 22:59

Eńbekteri elengen jandar

Oqıǵa • Búgin, 21:47

Nur-Sultanda 23 alypsatar ustaldy

Aımaqtar • Búgin, 20:10

Mańǵystaýǵa dári-dármek jetkiziledi

Aımaqtar • Búgin, 19:08

"Teledáriger" jobasy ashyldy

Qazaqstan • Búgin, 18:35

Jurttyń jigerin janyǵan úndeý

Parlament • Búgin, 16:57

Túrkistan jasyl qalaǵa aınalýda

Ońtústik Qazaqstan • Búgin, 16:53

Qazaqstan CORSIA múshesi boldy

Qazaqstan • Búgin, 16:43

Mobıldik toptar jumysy júıeli

Aımaqtar • Búgin, 15:27

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Uqsas jańalyqtar