Parlament • 28 Mamyr, 2020

Senatta aldaǵy onjyldyqqa arnalǵan syrtqy saıasat tujyrymdasy tanystyryldy

46 ret kórsetildi

Búgin Muhtar Qul-Muhammedtiń tóraǵalyq etýimen ótken Senattyń Halyqaralyq qatynastar, qorǵanys jáne qaýipsizdik komıtetiniń otyrysynda Qazaqstan Respýblıkasy syrtqy saıasatynyń 2020 – 2030 jyldarǵa arnalǵan jańa tujyrymdamasy tanystyryldy. Bul týraly Parlament Senatynyń baspasóz qyzmeti habarlady.

Onda Syrtqy ister mınıstriniń birinshi orynbasary Shahrat Nuryshev jáne Saýda jáne ıntegrasııa vıse-mınıstri Qaırat Tórebaev baıandama jasady.

Shahrat Nuryshev eldiń syrtqy saıasatynyń aldaǵy on jyldy qamtıtyn negizgi baǵyttaryna, maqsattary men mindetterine toqtaldy.

«Jańa Tujyrymdama elimizdiń Tuńǵysh Prezıdenti – Elbasy N.Á. Nazarbaevtyń táýelsizdik tańynda negizin qalaǵan syrtqy saıası baǵyttyń bazalyq qaǵıdattarynyń sabaqtastyǵyn saqtaıdy. Qazaqstannyń syrtqy saıasaty burynǵydaı kópvektorlyq, tepe-teńdikti saqtaý, pragmatızm jáne ulttyq múddelerdi qorǵaý qaǵıdattaryna negizdeledi. Onyń tıimdiligi ýaqytpen dáleldengen», - dedi Syrtqy ister mınıstriniń orynbasary.

Jańa Tujyrymdamaǵa sáıkes Táýelsizdikti, halyqaralyq jáne óńirlik áriptestikti, kelisim men qaýipsizdikti nyǵaıtýǵa baǵyttalǵan dástúrli syrtqy saıası baǵdar budan bylaı ekonomıkalyq damý aspektilerine de nazar aýdaratyn bolady. Bul el ekonomıkasyna tikeleı shetel ınvestısııasyn tartý, tarıftik jáne tarıftik emes kedergilerdi azaıtý arqyly qazaqstandyq eksport úshin syrtqy naryqtyń aıasyn keńeıtý sharalaryn kúsheıtýge múmkindik beredi.

1

Qosymsha baıandamashy Qaırat Tórebaev Saýdany damytýdyń 2021-2025 jyldarǵa arnalǵan memlekettik baǵdarlamasy tujyrymdamasynyń jobasyna jáne onda qamtylǵan elimizdiń syrtqy saýdasyn damytýdyń negizgi baǵyttaryna toqtaldy. Ol óńirlik saýdany damytý úshin Eýrazııalyq ekonomıkalyq odaq elderiniń arasynda kedergisiz taýarlar qozǵalysyn qamtamasyz etýdiń mańyzyn atap ótti. Onyń aıtýy boıynsha ekonomıkalyq dıplomatııa quraldaryn paıdalaný el taýarlaryn álemdik naryqqa shyǵarýǵa jol ashady.

Senatorlar otyrys barysynda syrtqy saıasattyń mańyzdy máselelerin talqyǵa saldy, olardyń qatarynda transshekaralyq ózenderdiń sý resýrstaryn retteý, «Báıterek» ǵarysh zymyran kesheni, sondaı-aq pandemııa kezinde Qazaqstan azamattarynyń elge oralýyn uıymdastyrý máseleleri sóz boldy.

Sońǵy jańalyqtar

Jetinshi maýsymnyń jetistigi

Rýhanııat • Búgin, 19:17

Atyraýda 6 156 adam koronavırýs juqtyrdy

Koronavırýs • Búgin, 18:15

Atyraýda úsh garaj otqa orandy

Aımaqtar • Búgin, 16:51

Atyraýǵa 278 medısına mamany qajet

Medısına • Búgin, 16:43

25 adam ishimdikten ýlanyp qaıtys boldy

Aımaqtar • Búgin, 15:42

Qazaq jáne shet tilin meńgerýge shaqyrady

Rýhanııat • Búgin, 15:27

О́kpeni KT-dan aqysyz ótkizý nege qıyn?

Medısına • Búgin, 12:35

Ilıa Ilın aýrýhanaǵa tústi

Aımaqtar • Búgin, 11:55

Dollardyń búgingi baǵamy belgili boldy

Ekonomıka • Búgin, 11:35

Uqsas jańalyqtar