Prezıdent • 28 Mamyr, 2020

Q.Toqaev BUU bastamasymen uıymdastyrylǵan forýmda sóz sóıledi

222 ret kórsetildi

Qazaqstan Prezıdenti Qasym-Jomart Toqaev búgin «COVID-19 tusynda jáne odan keıingi kezeńde damýdy qarjylandyrý» atty joǵary deńgeıdegi forýmǵa qatysty.

BUU bastamasymen uıymdastyrylǵan bul is-shara beıne konferensııa formatynda ótti. Memleket basshysy qazirgi ýaqytta Qazaqstan tóraǵalyq etetin Teńizge shyǵatyn joly joq damýshy elder tobynyń atynan sóz sóılep, birqatar usynys jasady.

Memleket basshysy sóz basynda joǵary deńgeıdegi sharany uıymdastyrǵany úshin BUU Bas hatshysy Antonıý Gýterrıshke jáne Kanada men Iаmaıkanyń Premer-Mınıstrlerine alǵys bildirdi.

Qasym-Jomart Toqaev pandemııa álem elderiniń damýyna qaýip tóndirgenin alǵa tarta otyryp, ásirese teńizge shyǵatyn joly joq damýshy elder úshin aýyr bolǵanyn aıtty. Buǵan sebepterdiń biri saýda-sattyqtyń toqtap qalýy bolyp otyr.

Sondaı-aq Qazaqstan Prezıdenti bıznestiń burynǵydaı bolmaıtynyn túsinetinin jáne bul jaǵdaıda barlyq memlekettiń birigip áreket etýiniń mańyzdylyǵyn basa aıtty.

Shara barysynda Memleket basshysy teńizge shyǵatyn joly joq damýshy elder atynan bereshekti halyqaralyq kredıtorlarǵa qaıtarýdy keıinge qaldyrý, densaýlyq saqtaý salasyna qosymsha qarajat bólý sekildi bastamalar kóterdi.

Prezıdent odan bólek Qazaqstannyń pandemııa kezinde halyqaralyq kelisimge qosqan úlesin de atap ótti.

«Qazaqstan jahandyq gýmanıtarlyq kómek josparyna saı koronavırýspen kúreste birqatar elge kómek jiberdi. Elimiz azyq-túlik qaýipsizdigi, medıasııa, qaqtyǵystardy sheshý men beıbitshilik ornatý sekildi salalarda álem elderimen kúsh biriktirýge daıyn»,- dedi Qasym-Jomart Toqaev óz sózinde. 

Sessııa barysynda BUU Bas hatshysy Antonıý Gýterrısh, Kanadanyń Premer-Mınıstri Djastın Trıýdo, Germanııa Kansleri Angela Merkel, Fransııa Prezıdenti Emmanıýel Makron, Japonııa Premer-Mınıstri Sındzo Abe jáne basqa da memleketter men halyqaralyq uıymdardyń basshylary sóz sóıledi.
Sońǵy jańalyqtar

Ulttyń batyr ulany

Qazaqstan • Keshe

Ulttyq bolmysty kestelegen...

Rýhanııat • Keshe

Bas qala tarıhy qamtylǵan kórme

Rýhanııat • Keshe

Shekarada shekteý bar

Qazaqstan • Keshe

Uqsas jańalyqtar