Aımaqtar • 29 Mamyr, 2020

Júıeli jumys jeńiske jetkizedi

12 ret kórsetildi

Jambyl oblysynyń ákimi Berdibek Saparbaev óńirlik kommýnıkasııalar qyzmetiniń alańynda «Memleket basshysynyń koronavırýsqa qarsy is-qımyl jáne daǵdarysqa qarsy sharalar jónindegi tapsyrmalaryn iske asyrý týraly» taqyrybynda onlaın baspasóz konferensııasyn ótkizdi. Berdibek Saparbaev áýeli Memleket basshysynyń Jarlyǵymen 11 mamyrdan bas­tap tótenshe jaǵdaı rejimi toqtatylǵanyn, degenmen, ár óńirdiń koronavırýs boıynsha epıdemııalyq jaǵdaıyna baılanysty karantındik sharalar saqtalyp otyrǵanyn jetkizdi.

Búgingi tańda oblysta 358 adam koronavırýs indetin juq­tyr­ǵan. Taraz qalasynda 206, Qordaı aýdanynda 46, Baızaq aýdanynda 34, Talas aýdanynda 12 jaǵdaı tirkelgen. Solardyń ishinde 99 jaǵdaı áskerı, 22 jaǵdaı medısına jáne 7 jaǵdaı polısııa qyzmetkerlerinen anyqtalǵan. «Qazir engizilgen karan­tındik sharalarǵa qara­mastan, turǵyndar qaýip­siz­dik sharalaryna durys kó­ńil bólmeı otyr. Bizdiń óńir­de jalpy 7 laborato­rııa jumys istep tur. Bú­gin­de oblysta barlyǵy 23 750 adam tekserildi. Olar­dyń qatarynda áleý­met­tik ma­ńy­zy bar mekeme qyz­met­ker­leri, dári­ger­ler, ás­ke­rıler, polısııa jáne tó­ten­she jaǵdaı qyz­met­ker­le­ri bar. Bul jumysty odan ári jal­ǵastyratyn bolamyz. So­nymen qosa óńirge Teńiz Shevroıl mekemesinde ju­mys isteıtin 25 adam jáne ózge kompanııalarda vah­ta­­lyq tártippen jumys is­teı­­tin jambyldyqtar kelip jatyr. Olardyń arasynda aýrýdy juqtyrǵandar bar. Máselen, «Úndistan-Taraz» reısimen kelgen adam­dar­­dyń arasynan 6 oqıǵa anyqtalǵan. Búginge deıin 173 naýqas tolyq emdelip shyqty. Qalǵan azamattar be­ki­tilgen qaýlyǵa sáıkes em alýda. Naýqastardy emdeý jáne oqshaýlaý úshin 1424 tósek-oryn daıyndaldy. Qosymsha 80 provızorlyq tósek ashyldy. Barlyǵy 1504 tósek-oryn bar. Bul ju­mystarǵa 867 medısına qyz­­­met­keri tartylǵan. Qazir jat­­qy­­­zylǵan naý­qas­tar­dyń sa­­ny­na sáıkes 408 qyz­met­ker jumyldyryldy. El Prezıdenti medısına salasynyń qyzmetkerlerine qosymsha ústemeaqy tóleý boıynsha tapsyrma bergen bolatyn. Búginde oblys boıynsha 2 585 medısına qyzmetkerine 409 mln teńge qarjy tólendi», dedi B.Saparbaev.

Oblys ákimi budan basqa, aldyńǵy shepte júrgen sala qyzmetkerlerine jaǵdaı jasaý úshin 6 qonaqúıge 246 medısına qyzmetkerleri ornalastyrylǵanyn, olar­dyń júrip-turýyna arnaıy tasymaldaý jumystarynyń uıymdastyrylǵanyn jáne tańǵy, túski, keshki aspen qam­tamasyz etilgenin jet­kiz­di. Sonymen qatar ákim­niń aıtýynsha, oblysta medı­sınalyq buıymdar men qa­jet­ti preparattar qory jet­ki­likti. Shuǵyl shyǵyn­dar­ǵa jalpy 1,5 mlrd teńge kó­le­min­de qarajat bólingen.

Sondaı-aq qajetti me­dı­­sınalyq maqsattaǵy bu­ıym­­dar men zerthanalyq quraldaryn, jeke qorǵanysh quraldaryn jáne dári-dár­mek­ter satyp alý, olardy jetkizý jumystary uıym­das­tyrylyp, júrgizilýde eke­­nin aıtty. Al kópshilik ta­rapynan qoıylatyn su­raq­tar men kóteriletin má­se­­­lelerge jaýap berý úshin «109 Járdem» Call-orta­ly­ǵynyń bazasynda jyldam áreket etý shtaby qu­ry­­lyp, búginge deıin 24 myń suraq túsken. Munda tıisti mekemelerden ja­ýapty mamandar kezekshiligi uı­ym­dastyrylǵan. Ákim tur­­ǵyndardyń shalǵan qo­ńy­raý­laryna jyldam jaýap berilip, árbir suraq boıynsha sharalar qabyldanatynyn, sondaı-aq ortalyq kúni-túni jumys isteıtinin jetkizdi.

«Bizdiń negizi mindetimiz – vırýstyń taralýyna jol bermeý. Oblys aýmaǵynda ornalastyrylǵan barlyq 25 blok-beket áli de kúsheıtilgen tártipte jumys isteıdi. Munda 221 adam, 60 tehnıka jumyldyryldy. Halyq densaýlyǵynyń qaýipsizdigin qor­ǵaıtyn negizgi qalqan osy beketter bolyp otyr. Bul jerde medısına, polısııa, áskerı qyzmetkerlerdiń jumysyna alǵysymdy aıtamyn. Sonymen qatar be­ket­terdegi árbir qyzmetker ózine júktelgen mindetti múl­t­iksiz, algorıtm talapta­ry­na saı oryndaý kerek. Prezıdent memlekettik komıssııa otyrystarynda úne­mi halyqtyń áleýmettik áleýe­­tine basa nazar aýdaryp keledi. Osyǵan oraı, oblys aýmaǵynda turǵyndardy áleý­mettik qoldaý boıynsha keshendi túrde kómek kór­se­til­ýde.

2020 jyly ataýly áleý­met­tik kómektiń jańa modeli boıynsha 9,5 myń otbasyna, ıaǵnı 52,2 myń adamǵa 1,5 mlrd teńge tólendi. Jal­py bul maqsatqa 10,9 mlrd teńge qarastyrylǵan. Kepil­den­dirilgen áleýmettik toptamamen ataýly áleýmettik kó­mek alýshy otbasyndaǵy 1 jas­tan 6 jasqa deıingi 18,3 myń balaǵa 1,2 mlrd teńge qaras­ty­ryldy. Tótenshe jaǵdaıǵa baılanysty, 2 aılyq eseptik kór­setkishten tómen emes mól­sherde az qamtylǵan jáne áleý­mettiń álsiz toptaryna jatatyn turǵyndardyń sho­ty­na mamyr aıynda 79,4 myń adamǵa 442 mln teńge tólenip, 100 paıyzǵa oryn­daldy. Tótenshe jaǵ­daı kezinde tabysynan aıy­ryl­ǵan azamattarǵa 42500 teńge áleýmettik tólem taǵaıyn­daý­ǵa búgingi kúni 300 myńǵa jýyq azamatqa barlyǵy 12,7 mlrd teńge mólsherinde tólem berildi», dedi B.Saparbaev.

 Sondaı-aq ákim oblys aýmaǵynda tárkilengen azyq-túlik jáne kıim-keshekterdiń muqtaj azamattarǵa taraty­lyp jatqanyn jetkizdi. Búginge deıin quny 484 mln teń­geden asatyn 620 myń halyq tutynatyn taýar balalar úıi, qarttar úıi, jas­ós­pirimder úıi, ınternat­tar sııaqty áleýmettik me­ke­me­ler­ge jáne az qam­tyl­ǵan otba­sylarǵa tegin tara­tyl­ǵan. Al Nur Otan partııasy oblystyq fılıalynyń «BizBirgemiz» aksııasynyń aıasynda jáne demeýshiler men qaıyrymdylyqqa jınalǵan qarajat esebinen 72 myń oblys turǵynyna 1,1 mlrd teń­geniń kómegi kórsetilgen. Jal­py, oblystyń 400 myń turǵynyna 21 mlrd teń­gege jýyq áleýmettik tó­lem­der tólengen. Búgingi tańda halyq úshin mańyzdy máse­leniń biri – tótenshe jaǵ­daı kezinde kommýnaldyq qyzmetterdiń shyǵyndaryn óteý bolyp otyr. Bul rette oblys ákimi kommýnaldyq qyz­­metterdi óteý jalpy esep-ereje boıynsha, eń kem de­gende 119 myń turǵynǵa tó­l­e­­netinin málimdedi. Sondaı-aq B.Saparbaev Qor­daı aýda­nyn­daǵy ahýal bo­ıyn­sha da aqparat berdi. «Aýdanda bol­ǵan tótenshe jaǵdaı kezinde Masanshy, Bular batyr jáne Aýqatty aýyldarynda 39 turǵyn úı men 20 kommersııalyq nysan tolyq búlingen bolatyn. Prezıdent tarapynan azamattarǵa tıis­ti zań talaptaryna saı kó­mek kórsetý tapsyryldy. Arna­ıy komıssııa arqyly árbir otbasynyń shyǵyny esep­telip, qaıyrymdylyq qor­­laryna demeýshilik qara­jat aýdaryldy. Aýyldardy qaıta qalpyna keltirý ju­mys­taryn osy jyldyń tamyz aıynda aıaqtaý josparlanyp otyr. Sonymen qatar ortasha deńgeıde zııan keltirilgen 103 nysan demeýshilerdiń kómegimen jóndeldi. Jalpy, Qordaı aýdanyn damytý aıasynda qurylys-jóndeý ju­mys­taryna bıyldyń ózinde «Jumyspen qamtýdyń jol kartasy» jáne «Aýyl – el besigi» syndy baǵ­dar­la­ma­lar aıasynda qosym­sha 20,5 mlrd teńge bólindi», dedi.

Brıfıng sońynda B.Sapar­­baev basty mindet – indet­­tiń taralýyna jol ber­meý, azamattardyń den­saý­ly­ǵyn barynsha qorǵaý ekenin jetkizdi. Sonymen qatar jer­gilikti atqarýshy jáne qu­qyq qorǵaý organdary, den­saýlyq saqtaý uıymdary tara­pynan in­det­tiń aldyn alý úshin qa­byl­danyp jatqan shara­lar­ǵa túsinistikpen qarap, karantın rejimin buzbaýǵa shaqyrdy. «Koronavırýs pandemııasynan mindetti túrde ótemiz jáne bizdiń aldymyzda obly­sy­myzdyń damýy men órken­de­ýi jolyndaǵy qyrýar ju­mys­tar kútip tur», dedi B.Saparbaev.

 

Jambyl oblysy

 

Sońǵy jańalyqtar

Indetpen kúres jalǵasa beredi

Qoǵam • Búgin, 11:54

Atyraýǵa 470 túrli dári-dármek keldi

Aımaqtar • Búgin, 11:23

Búgin – Jalpyulttyq aza tutý kúni

Vıdeo • Búgin, 10:59

COVID-19-dan barlyǵy 375 adam qaıtys boldy

Koronavırýs • Búgin, 08:54

Shırek fınaldyń jerebesi tartyldy

Fýtbol • Búgin, 07:42

Alǵashqy qadam sátsiz bastaldy

Sport • Búgin, 07:38

Jaýapkershilik tanytaıyq

Pikir • Búgin, 07:35

Ekologııalyq bilim berý mańyzdy

Pikir • Búgin, 07:33

Tabıǵatty aıalaýǵa úıreteıik

Ekologııa • Búgin, 07:30

Otandyq óndiris kólemi artady

Medısına • Búgin, 07:19

Atyraýǵa jedel járdem kerek

Aımaqtar • Búgin, 07:13

«Bireýdiń kisisi ólse, qaraly ol»

Qoǵam • Búgin, 07:05

Jańa pán engizýdi quptaımyn

Pikir • Búgin, 07:05

Jahandyq IJО́ 5,5 paıyzǵa tómendeıdi

Ekonomıka • Búgin, 06:55

Qarǵa adym jer muń bolǵan...

Qoǵam • Búgin, 06:40

Aınalma jol azaptan qutqarady

Qoǵam • Búgin, 06:37

Aııa Sofııada azan shaqyrylady

Rýhanııat • Búgin, 06:35

Jahan koronavırýs qursaýynda

Álem • Búgin, 06:30

9 oıynshymen kelisimshartyn uzartty

Sport • Búgin, 06:30

Úkimet Atyraý oblysyna kómektesedi

Prezıdent • Búgin, 06:29

Uqsas jańalyqtar