«Búginde eńbek etýge nıetti adamǵa jumys kóp. Múmkindigi shekteýli balalarǵa arnalǵan vertıkalızator men IT-arba jasaý kópten beri kókeıimizde júrgen bolatyn. Táýekel dep, qoldaǵy bar materıaldarmen oıǵa alǵan dúnıemizdi jasap kórdik. Nátıjesi jaman bolǵan joq. Kóńilimizden shyqty. Birnesheýin qoljetimdi baǵamen satylymǵa shyǵardyq», deıdi Madııar Káribaev.
Jas kásipkerlerdiń kásippen aınalysýdaǵy negizgi maqsaty – múmkindigi shekteýli balalarǵa kómektesý. Olar bul kásipti odan ári jalǵastyratynyn aıtady. Paıda tabýdy emes, qaıyrymdylyq jasaýdy kózdegen azamattar alǵashqy jasaǵan buıymdaryn Taraz qalasyndaǵy №1 balalar aýrýhanasyna az qamtylǵan otbasylardyń balalary úshin syıǵa tartqan. Bul qural-jabdyqtar aıaǵyn durys basa almaıtyn jáne sińiri sozylǵan balalar úshin óte qolaıly ári paıdaly eken. Endi jas kásipkerler bul kásipti odan ári damytýdy kózdep otyrǵanyn jetkizdi. Aldaǵy ýaqytta memleket tarapynan berilgen qarajatqa ǵımarat satyp alyp, jergilikti azamattardy jumysqa qabyldaýdy josparlaýda. Qazirgi tańda 4 adamdy jumyspen qamtyp, tıisti jalaqysyn tólep otyr. «Kásip bolǵannan keıin túrli qıyndyq da kezdesip jatady. Alǵashqy ýaqytta biraz qınaldyq. Biraq, talpynysymyzdy odan ári kúsheıtip, jumysymyzdy jolǵa qoıdyq. Qazir eńbektiń zamany. Memleket bul úshin bizge jaǵdaı jasap otyr», deıdi Ahan Ájmaǵanbetov.
Jambyl oblysy
