О́ner • 29 Mamyr, 2020

Shyǵysqazaqstandyq oqýshylar syrly boıaýdyń syryna qanyqty

9 ret kórsetildi

Oqýshylarǵa beıneleý óneri pánin oqytýda synyptan tys jumystardy uıymdastyrýdyń mańyzy zor. Oqý baǵdarlamasyna saı kúndelikti sabaqta alǵan bilimin synyptan tys jumystarda jetildirý – oqýshynyń bilimin tereńdetip, sýret salý ıkemdiligi men beıneleý qabiletin damytady, tipti qorshaǵan ortaǵa degen oń kózqarastaryn oıatady. Osyndaı sabaqtan tys ýaqytta uıymdastyrylatyn jumystardyń biri – «Syrly boıaý» atty sýret saıysy.

30 sáýir men 4 mamyr aralyǵynda «Tarbaǵataı» memlekettik ulttyq tabıǵı parki «Parkter sherýi» atty halyqaralyq tabıǵatty qorǵaý aksııasy boıynsha ashylǵan «Jeli saıystarynyń» kezekti is-sharasy kórkem óner sheberleriniń saıysyn ótkizdi. Bul baıqaýda «Úrjar aýmaǵynyń erekshe ásem tabıǵaty», «Qorshaǵan orta – balanyń kózi­men», «Qyzyl kitaptyń betteri» nomınasııalary bar ekendigi ult­­tyq parkimizdiń jelilerinde ja­rııa­lanǵan bolatyn. Ondaǵy maq­satymyz – sýrettegi keskinniń ar­qasynda bizdiń aımaqtyń ásem de áserli tabıǵı landshafttaryn sýretteý, adamdardyń sanasyn­da olardyń tabıǵatqa degen súıispen­shilikterin oıatý.

Bul saıysty tańdap alýymyzǵa birneshe sebep bar. Sýret – jeke bir óner salasy emes, birneshe óner túriniń ómirge kelýine sebepker bolǵan búkil beıneleý óneriniń atasy. Bul adam balasynyń zamannan zamanǵa rýhanı, estetıkalyq baılyǵy retinde ulasyp kele jatqan óner salasy. Ekinshiden, sýret tarıhy – bul adamzat tarıhy jáne onyń qorshaǵan ortany tanýyna, ózin ózi tolyǵymen tanyp bilýine, estetıkalyq tárbıe alýyna, sonymen qatar urpaqtan-urpaqqa asyl muralar qaldyrýǵa úlken úles qosqan ómirmen ózektes óner.

Osy saıysta oqýshylar qol­daryna qylqalamdaryn alyp, óz kózimen kórip, túısingen shyn­dyǵyn sol sáttegi qalpymen kórsetýge um­­ty­lyp, aq qaǵazǵa túsirgen. Kóp­­­shiligi «Qyzyl kitapqa» engen jan-janýarlardy tańdap, anı­malısttik janrda sýret salǵan. Osy turǵydaǵy tárbıelilik – oqý­shylardy beıneleý ónerine baý­lý arqyly qorshaǵan ortanyń ásem­digin, tamashalyǵyn sezinýge tárbıeleý,  bilimdilik – qorshaǵan ortadan ózine unaǵan janrdy tańdaý arqyly sýret salý sheberligin jetildirý, damytýshylyq – oı-órisin, tanymyn, qııalyn kúsheıtý jáne este saqtaý, elestetý qabiletin damytý desek te, eń bastysy óskeleń urpaqtyń qorshaǵan ortamen baılanysyn arttyrý edi, ıaǵnı sýretti kúndelikti ómirmen baılanystyrý, ómirdegi tabıǵat kórinisterin qaǵazǵa beıneleý. Saıys oqýshylarǵa oń nátıje berdi degen oıdamyz.

 

Dáýlet TOQTASYNULY

 

Shyǵys Qazaqstan oblysy

 

Sońǵy jańalyqtar

Ulttyń batyr ulany

Qazaqstan • Keshe

Ulttyq bolmysty kestelegen...

Rýhanııat • Keshe

Bas qala tarıhy qamtylǵan kórme

Rýhanııat • Keshe

Shekarada shekteý bar

Qazaqstan • Keshe

Uqsas jańalyqtar