Saıasat • 29 Mamyr, 2020

Dárigerlerdiń áleýmettik jaǵdaıy kóteriledi

49 ret kórsetildi

Qasym-Jomart Kemeluly Ulttyq qoǵamdyq senim keńesiniń úshinshi otyrysynda birqatar másele qozǵady. Sonyń ishinde medısına salasyna qatysty da ózgertýler engizýdi usyndy.

Eń aldymen ol óz mindetin tıisti deń­geıde oryndamaǵan medısına qyz­met­kerleriniń qylmystyq jaýapkershiligine qatysty synı saraptamalardy qaıta qaraý qajet ekenin aıtty. Bul osy taqyrypta týyndaǵan kóptegen máseleniń túıinin sheshýge kómektesedi. Sonymen qatar Memleket basshysy dárigerlik qatelik úshin zańsyz ári ádiletsiz qylmystyq qýdalaý faktileri de jıi oryn alatynyn tilge tıek etti. Bul da óte oryndy dep sanaımyn. Elimizde qylmystyq bap­qa tartylǵan dárigerlerdiń sany az emes ekenin bilemiz. Oǵan qosa qoǵamda dárigerge qatysty teris pikirler de qa­lyptasyp jatyr. Dese de, óz isine adal naǵyz mamandar adam ómiri úshin kúndelikti qarýsyz maıdanda kúresip jatqanyn da atap ketý qajet. 

Árıne joǵaryda aıtylǵan ózge­ris­ter dárigerlerge adam ómiri men den­saý­lyǵyna qatysty jaýapkershiligin alyp tastamaıdy. Kerisinshe, dári­ger­diń moı­nyndaǵy jaýapkershilik arta tús­pek.

Buǵan qosa, Prezıdent medısına qyz­metkerleriniń jalaqysyn 2023 jyl­ǵa deıin birtindep 2,5 esege arttyrýdy tapsyrdy. Bul dárigerlerdiń áleýmettik, turmystyq hal-ahýalyna zor septigin tıgizetinine senimdimin. Sondaı-aq dá­ri­­ger mamandyǵynyń mártebesin de jo­ǵarylatýǵa múmkindik beredi. Demek, bul medısına salasyna tyń serpilis ákep qana qoımaı, aq halattylardyń már­tebesi men áleýmettik jaǵdaıyn kóterýge yqpal etpek.

 

Abaı BAIGENJIN,

Qazaqstannyń eńbek sińirgen qaıratkeri, medısına ǵylymynyń doktory, «Ulttyq ǵylymı medısınalyq ortalyq» AQ basqarma tóraǵasy

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar