Medısına • 29 Mamyr, 2020

Covid-19 medısınanyń basymdyǵyn aıqyndap berdi - Serik Aqsholaqov

194 ret kórsetildi

Prezıdent janyndaǵy Ulttyq qoǵamdyq senim keńesiniń otyrysynda Qasym-Jomart Kemeluly Toqaev azamattardyń densaýlyǵyn nyǵaıtý men otandyq medısınany damytýdyń mańyzyn aıqyndaıtyn birqatar basty máselelerdi qozǵady.

Búginde biz otandyq medısınany damytýda úlken jetis­tik­terge qol jet­kizdik. Normatıvtik-quqyqtyq derekqor qa­lyptas­tyryldy jáne densaýlyq saqtaý salasynda memlekettik baǵdar­­la­malar qabyldandy. Jyl saıyn otan­dyq medısına úshin qar­jylandyrý kólemi aıtarlyqtaı ulǵaıýda. Atap aıt­qanda, ha­lyqqa mamandandyrylǵan medısınalyq kómektiń kepilden­dirilgen kólemi kórsetilip, medısına qyzmet­ker­lerin oqytýda, zaman talabyna saı medısınalyq mekemeler salynýda. So­nyń ishinde Ulttyq neırohırýrgııa já­ne kardıohır­ýrgııa ortalyqtary da bar. Olar otandastarymyzdy shetel­ge em qabyldaýǵa jibermeı-aq, elimizde kúr­deli operasııalardy jasaýǵa múmkin­dik beretin medısınalyq qural-jabdyq­tar­men jaraqtandyrylýda.

Koronavırýstyq ınfeksııa pande­mııasy álem elderine medısınanyń jańa baǵyttary men basymdyqtaryn aıqyn­dap berdi. Osy jaǵdaı óz sheshimin tabýdy talap etetin máselelerdiń betin ash­ty. Qazaqstandy alar bolsaq, Memle­ket basshysy atap ótkendeı, densaýlyq saqtaý salasynda birqatar máseleler bas­ty nazarda. Onyń ishinde medısına ǵy­lymyn, farmasevtıkalyq jáne medı­sı­nalyq óndiristi, sıfrlandyrýdy, bıologııalyq qaýipsizdik jáne sanı­tar­lyq-epıdemııalyq belsendilikti damytý, aımaqtardaǵy medısınalyq hal-ahýaldy jaqsartý, jańa medısınalyq mekemelerdi salý jáne taǵy basqa.

О́z kezegimde, men rasynda da medısına ǵylymyn damytý men medısınalyq qyz­met­kerlerdiń ǵylymı jáne klını­kalyq zertteýlerge qatysýyna qoldaý jasaý otandyq medısınanyń jańa baǵyt­taryn, ádisterin jáne tehnologııalaryn damytýǵa múmkindik beretindigin atap ótkim keledi. Qazirgi tańda Qazaqstanda bul úshin barlyq áleýet, kúsh-qýat jetkilikti, ıaǵnı joǵary mamandandyrylǵan kadrlar bar. Bizdiń ortalyqta da ǵylymı ju­mys­tar júrgiziledi. Mysaly, ótken jyly omyrtqany 3D úlgileý týraly zert­teý jumysy sátti aıaqtaldy, bul derbes­tendirilgen medısınadaǵy ǵalamat silkinis, joıqyn jańalyq boldy. Mundaı zertteýler medısına jáne farmasevtıka salasyndaǵy otandyq óndiristi damytýǵa jáne onyń kólemin ulǵaıtýǵa múmkindik beredi.

Sonymen qatar qazir medısına salasynda júrgen jáne bolashaqta osy salaǵa keletin dárigerlerdi yntalandyrý úshin dári­ger bedelin arttyrý – óte  mańyzdy faktor. Medısına mamandyqta­ry­na bólinetin granttardy kóbeıtý qazirgi tańda óte ózekti.

 

Serik AQShOLAQOV,

Qazaqstannyń Eńbek Eri, medısına ǵylymynyń doktory, professor, UǴA akademıgi,
«Ulttyq neırohırýrgııa ortalyǵy» AQ basqarma tóraǵasy

 

Sońǵy jańalyqtar

Aınurdyń júgi astanaǵa jetti

Qoǵam • Búgin, 23:04

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar