Aımaqtar • 29 Mamyr, 2020

Oqýshylardyń jazǵy demalysy qaýipsiz bolýy kerek

34 ret kórsetildi

Batys Qazaqstan oblysy tótenshe jaǵdaılar departamentiniń daǵdarys ortalyǵy jazǵy demalys kezinde balalardyń qaýipsizdigi týraly brıfıng ótkizdi.

Aq Jaıyq óńirinde 100 myńnan astam oqýshy jazǵy kanıkýlǵa shyqty. Oqý jylynyń sońǵy toqsanyn karantın jaǵdaıynda ótkizgen balalar jaz qyzyǵyn, demalysty saǵynǵany anyq.

- Jazǵy ýaqyt tabıǵat aıasynda kóp qydyryp, sýǵa túsýimen qyzyqty. Degenmen qaýipti de umytýǵa bolmaıdy. Ásirese balalar lagerlerinde jáne aýylda balalar demalysyn durys uıymdastyrýǵa jete kóńil bólýimiz kerek. Bıyl oblys aýmaǵynda meketp oqýshylary demalyp, saýyǵýy úshin 20 uıymdy ashý josparlanǵan. Olardyń birazy ashyq sý qoımalarynyń jaǵasynda ornalasqan. Sondyqtan, jazǵy demalys kezinde balalardyń qaýipsizdigin qamtamasyz etý – barlyq múddeli organdarmen qatar bizdiń tótenshe jaǵdaı qyzmeti úshin de basty mindet, - deıdi Batys Qazaqstan oblystyq tótenshe jaǵdaılar departamentiniń bastyǵy general-maıor Jasulan Jumashev.

Jazǵy demalys ýaqytynda departament mamandary «Qaýipsizdik mektebi», «Jas qutqarýshy», «Jas órt sóndirýshi», «Jas júzýshi», «Júzýdi úıren» sekildi taqyryptyq is-sharalar ótkizýdi josparlapty.

Oblysta ashylmaq 20 jazǵy demalys lageriniń altaýy - sý qoımalaryna jaqyn ornalasqan. 12 lagerdiń aýmaǵynda modýldik-qańqaly basseınder ornatylǵan. Shomylý kezindegi balalardyń qaýipsizdigin arnaıy nusqaýshy-tálimgerler qamtamasyz etedi. Bul tálimgerler departamenttiń Jedel-qutqarý jasaǵy bazasynda bastapqy daıyndyq kýrstarynan ótýi tıis. Al lagerlerdi ashar aldynda departamenttiń Jedel-qutqarý jasaǵynyń súńgýirleri balalar jaraqat alyp qalmaýy úshin sý qoımalarynyń túbin tekserip shyǵady.

Dál qazir óńirlik Tótenshe jaǵdaı departamentinde oqys oqıǵanyń aldyn alý úshin 72 qutqarýshy jumys isteıdi. Departament bastyǵynyń aıtýyna qaraǵanda 21 júzý quraly, 1 kater daıyndalyp, izdestirý-qutqarý jumystary men reıdtik is-sharalardy júrgizý úshin 15 avtokólik satyp alynǵan.

Jıyn sońynda Tótenshe jaǵdaı departamenti, óńirlik bilim berý, densaýlyq saqtaý, ishki saıasat, dene shynyqtyrý jáne sport basqarmalary basshylary Ujymdyq qaýipsizdik daǵdylaryn damytý máseleleri boıynsha memorandýmǵa qol qoıdy. Tabıǵı resýrstar jáne tabıǵatty paıdalanýdy retteý basqarmasyna ormandardyń órtke qarsy jaı-kúıine jáne balalar lagerlerimen jáne basqa da jazǵy demalys mekemelerimen shektesetin orman alqaptarynda órt qaýipsizdigi talaptarynyń saqtalýyna baqylaýdy kúsheıtý tapsyryldy. Sondaı-aq balalardyń attraksıondarda jaraqattaný oqıǵalarynyń aldyn alý máselesi talqylandy.

 

Batys Qazaqstan

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar