Aımaqtar • 29 Mamyr, 2020

Aqmolada kirpish shyǵaratyn 9 kásiporyn jumys isteıdi

11 ret kórsetildi

Turǵyn úı qurylysyndaǵy otandyq ónim úlesi 90 paıyzdy quraıdy. Qurylys qarqynynyń jyl sanap artyp kele jatqanyn eskersek, bul táp-táýir kórsetkish.

Bıyl oblystda «Nurly jer» baǵdarlamasy boıynsha 11 jaldamaly jáne jeńildetilgen nesıelik 12 turǵyn úıdiń qurylysy bastaldy. О́ńirde kirpish shyǵaratyn 9 kásiporyn jumys isteıdi. Onyń altaýy maýsymdyq. «Enkı», «Astana Keramık» seriktestikteri men Ereımentaý kirpish zaýyty jyl boıy úzilissiz kirpish shyǵarýda. Barlyǵy 145 mıllıon danadan astam kirpish qalyptaıdy. Temirbeton konstrýksııalary óndirisimen – «Regıon-Stroı»,  «Kókshetaý joldary»,  «Namys» kásiporyndary aınalysady. Kókshetaý sement zaýyty da óńir naryǵyndaǵy irgeli óndiris oshaǵy. 

– Respýblıka aımaqtary arasynda bizdiń oblystyń qurylys jumystarynyń qarqyny ortadan joǵary. Saraptap qarasańyz, qolbaılaý bolyp turǵan jaı qurylys materıaldary salasynda óndiristik baza jetkilikti damymaǵan. Jobalyq qujattarda otandyq ónim qoldanysyna basymdyq berý arqyly óńirdegi qurylys materıaldary óndirisiniń damýyna yqpal etemiz,–deıdi «Kókshetaýgorselproekt» seriktestiginiń dırektory Anatolıı Mıtrofanov.  

Qurylystyń qarqyn alýy turǵyndardyń senimin arttyrýda.  

 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar