Aımaqtar • 29 Mamyr, 2020

Jekemenshik bilim berý uıymdarynyń máselesi talqylandy

127 ret kórsetildi

Qazaqstan baspasóz klýbynda Almaty qalasynyń 300-den astam jeke bilim berý uıymdarynyń qatysýymen «Almaty qalasynyń jeke bilim berý qyzmetin qaıta bastaýdyń kedergileri» taqyrybynda  onlaın rejimde baspasóz jıyny ótti.

Ata-analar bastamashyl tobynyń ókili Katıra О́ksikbaeva Qazaqstandaǵy quzyrly mekemeler, qala berdi qazaq bıligin  qalanyń barlyq bilim berý mekemeleriniń jabylýyna baılanysty bilim berý salasynda qalyptasqan apatty jaǵdaıǵa nazar aýdarýǵa shaqyratynyn aıtty.

«Almaty qalasynda bilim berý uıymdarynan basqa barlyq jeke jáne memlekettik kásiporyndarynyń ashylǵany bárimizge málim. Shaǵyn jáne orta bilim berý bıznesi zor shyǵynǵa ushyrady. Shyǵyndar kóptegen mekemelerdiń: balalar bilim berý ortalyqtarynyń, balabaqshalardyń, til  úıretý ortalyqtarynyń, mýzykalyq jáne sport mektepteriniń, balalar lagerleriniń bankrottyǵyna ákelýi múmkin» deıdi Katıra О́ksikbaeva.

Jıynǵa qatysqan spıkerlerdiń aıtýynsha, qaladaǵy bilim berý kásiporyndarynyń basym bóligi kommersııalyq úı-jaılardy óz bıznesi úshin jalǵa alǵan.

«Qazaqstanda tótenshe jaǵdaı 2020 jyldyń 11 mamyrynda aıaqtaldy. Osyǵan baılanysty jalǵa berýshiler bilim berý mekemeleriniń ıelerinen jaldaý aqysyn talap etýde. Aqy tóleý múmkin bolmaǵan jaǵdaıda, jalǵa alýshylar ózderiniń kommersııalyq úı-jaılaryn bosatýy tıis. Bul rette qyzmetti júrgizýge tyıym áli kúnge deıin saqtalady» degen  bastamashyl top ókilderi bılikke aıtar bazynasyn aldyn-ala juptap, hattap kelipti. Olardyń mán-maǵynasy tómendegideı: 

  1. Eńbek jáne halyqty áleýmettik qorǵaý mınıstirligi Eńbek kodeksiniń 112 babyna sáıkes jumys berýshilerdiń qyzmetkerlerge jumystyń toqtatylýyna baılanysty eń tómengi jalaqyny tólegenin qamtamasyz etti. Osyǵan baılanysty, jeke bilim berý salasyndaǵy bıznes ıeleri TJ kezinde eń tómengi jalaqyny tóleýge májbúr boldy. Sebebi, Qazaqstan Respýblıkasy azamattarynyń barlyǵyna birdeı 42500 teńge kólemindegi áleýmettik járdemaqy berilmedi. Sondaı-aq bizdiń qyzmetimiz toqtatylǵan kezde qyzmetkerlerge jalaqy tóleı almaımyz.
  2. Pedagogtar men muǵalimderdiń bedeli tómendeıdi, sebebi olardyń kópshiligi aqyly tómen kásipterge jumys isteýge, kezdeısoq tabys tabýmen (eden jýýshylar, ydys jýýshylar, satýshylar) aınalysýǵa májbúr.
  3. Almatydaǵy balalardyń ómirine qaýip tónedi. 2019 jyly Qazaqstanda 100-den astam bala óz páterleriniń terezesinen qulap ketti. Eger Almaty qalasynyń 0-17 jas aralyǵyndaǵy barlyq balalar qaraýsyz úıde qalatyn bolsa nemese kóshede qydyratyn bolsa ne bolady? Balalar qylmysy, balalardyń qatysýymen bolǵan JKO, jaraqattar sany ósedi, balalar jezóksheligi artady.
  4. Psıho-sóıleý damýy keshiktirilgen balalar únemi áleýmettenýdi, logopedtermen jáne psıhologtarmen sabaqtardy, logopedter júrgizetin fızıoterapııalyq prosedýralardy qajet etedi. Bul prosesti toqtatý olardyń aqyl-oı jáne psıhıkalyq daǵdylaryn kúrt tómendetýi múmkin.

Baspasóz  jıynyn uıymdastyrýshylar aıtylǵan jaıttardy quzyrly oryndar qaperine alatynyna senetinin aıtyp tarasty. 

 

Sońǵy jańalyqtar

El júregi – Elorda!

Aımaqtar • Búgin, 20:37

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Uqsas jańalyqtar