Ekologııa • 29 Mamyr, 2020

Eko-týrızmdi damytýdyń josparlary ázirlenip jatyr

24 ret kórsetildi

Respýblıkalyq ulttyq tabıǵı parkterde ekologııalyq týrızmdi damytý týrıstik salany damytýdyń 2019-2025 jyldarǵa arnalǵan memlekettik baǵdarlamasy sheńberinde júzege asyrylady. Bul týraly Ekologııa, geologııa jáne tabıǵı resýrstar mınıstrliginiń baspasóz qyzmeti habarlady.

Ekologııa, geologııa jáne tabıǵı resýrstar mınıstrligi birqatar elderdiń (AQSh, Andorra, Avstralııa jáne t.b.) halyqaralyq tájirıbesin zerttedi, onda ekologııalyq týrızmdi damytýdyń negizgi prınsıpteri aıqyndalǵan. Shet elderde mańyzdy tabıǵat obektilerdiń saqtalýyn qamtamasyz ete otyryp, keshendi tásilderi qoldanylady. Halyqaralyq tájirıbe negizinde Ile-Alataý memlekettik ulttyq tabıǵı parkiniń master-jospary ázirlendi. Atap aıtqanda, Ile-Alataý memlekettik ulttyq tabıǵı parkinde eko-týrızmdi damytý master-josparynyń negizi retinde óziniń jumys isteýi men tabysty damýynyń júz jyldyq tarıhy bar ulttyq parkter jumysynyń amerıkandyq modeli alyndy.

Búgingi tańda, Qazaqstannyń ulttyq parkterinde týrıstik soqpaqtarǵa, kempıngterge, zamanaýı sanıtarlyq kabınkalarǵa jáne ózge de ınfraqurylymǵa degen qajettilik baıqalýda. Atalǵan master-jospardy iske asyrý sheńberinde Ile-Alataý parkinde zamanaýı vızıt-ortalyqtar, medısınalyq pýnkter, glempıngter, kempıngter, etno-aýyldar qurý, marshrýttar men soqpaqtardy abattandyrý jáne damytý kózdeledi jáne t.b.

Joǵaryda atalǵan barlyq jumystardy baqylaýdy ulttyq park júzege asyratyn bolady. Týrıstik nysandardyń qurylys máseleleri ulttyq parktiń janyndaǵy úılestirý keńesiniń otyrysynda talqylanatyn bolady.

Birinshi kezeńde Aıýsaı shatqalynda zamanaýı vızıt-ortalyǵyn salý josparlanýda, munda kelýshiler ulttyq park týraly qajetti aqparatty alady jáne ózderine demalystyń ońtaıly túrin tańdaıdy.

Ulttyq parktiń aýmaǵyna kelýshilerdiń qolaıly qatynaýyn qamtamasyz etý úshin áleýmettik sıpattaǵy nysandar salý, onyń ishinde taý soqpaqtaryn, qaraý alańdaryn, kópirlerdi abattandyrý jáne avtoturaq oryndaryn jaılastyrý kózdelgen.

Investorǵa jalpy aýmaǵy 35 gektar bolatyn Ile-Alataý memlekettik ulttyq tabıǵı parkiniń Úlken Almaty, Kishi Almaty, Kamenka, Talǵar, Kókbastaý jáne Túrgen orman sharýashylyqtary shekaralarynyń sheginde jer ýchaskeleri paıdalanýǵa berildi. Investor kezeń-kezeńimen 10 zamanaýı vızıt-ortalyqtar salý, 155 km astam jaıaý marshrýttar jaılastyrý jáne taǵy basqa jumystardy josparlaýda.

Joba aralas salalarda jańa jumys oryndaryn qurýǵa múmkindik beredi, kásipkerliktiń damýyn jáne týrızm salasyndaǵy joǵary bilikti kadrlardyń ósýin qamtamasyz etedi. Investor barlyq jumystardy qorshaǵan ortaǵa zııan keltirmeı iske asyrady, al turǵyzylatyn qurylymdar zamanaýı ekologııalyq materıaldardan ázirlenedi.

Sonymen qatar qazirgi ýaqytta qalǵan memlekettik ulttyq tabıǵı parkter boıynsha uqsas eko-týrızmdi damytýdyń master-josparlary ázirlenýde. Aıta keterligi, ulttyq park burynǵydaı kez-kelgen qazaqstandyq úshin barýǵa qoljetimdi bolady.Týrıstik ortalyǵy jáne soqpaqtar tegin bolady, kelýshilerge park aýmaǵy neǵurlym yńǵaıly, qaýipsiz jáne barlyq zamanaýı talapqa saı bolady.

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar