Aımaqtar • 29 Mamyr, 2020

«Qazaqstan: tarıhı taǵylym saıasaty» halyqaralyq  onlaın konferensııasy ótti

34 ret kórsetildi

Nur-Sultan qalasyndaǵy Dostyq úıinde «Qazaqstan: tarıhı taǵylym saıasaty» halyqaralyq  onlaın konferensııasy ótti. Bul týraly Qazaqstan halqy Assambleıasynyń baspasóz qyzmeti habarlady.

Konferensııa Qazaqstan halqy Assambleıasynyń Saıası qýǵyn-súrgin jáne asharshylyq qurbandaryn eske alý kúnine oraı «Tarıhtan taǵylym – ótkenge taǵzym» atty jyl saıynǵy halyqaralyq jobasy aıasynda uıymdastyryldy.

Onlaın-konferensııa jumysyna QR Prezıdentiniń Ákimshiligi Basshysynyń birinshi orynbasary D.Á.Abaev, Qazaqstan halqy Assambleıasy Tóraǵasynyń orynbasary J.Q.Túımebaev, Reseı halyqtary Assambleıasy Keńesiniń tóraǵasy, Eýrazııa halyqtary assambleıasy Bas hatshylyǵynyń basshysy S.K.Smırnova, Belarýs Ulttyq Jınalysy О́kilder Palatasynyń depýtaty P.L.Jdanovıch, Reseı memlekettik gýmanıtarlyq ýnıversıtetiniń prezıdenti, Reseı Ǵylym akademııasynyń korrespondent-múshesi, tarıh ǵylymdarynyń doktory E.I.Pıvovar, ssenarıst, rejısser, «ALJIR» tutqyny Lıdııa Frenkeldiń nemeresi D.D.Vıolına, QR Prezıdenti Muraǵatynyń dırektory D.Iý.Ábdiqadyrova, QR Parlamenti depýtattary, sheteldik jáne qazaqstandyq sarapshylar men ǵalymdar, jazalanǵandardyń urpaqtary, QHA músheleri, shyǵarmashylyq jáne ǵylymı zııaly qaýym, Assambleıanyń ǵylymı-sarapshylyq qoǵamdastyǵy, memlekettik organdar men etnomádenı birlestikterdiń ókilderi qatysty.

Shara barysynda spıkerler QR Tuńǵysh Prezıdenti – Elbasy N.A.Nazarbaevtyń qazaq halqyna qatysty tarıhı ádildikti qalpyna keltirýdegi róline toqtaldy.

Revolıýsııa, Azamat soǵysy, 1921-22 jyldardaǵy asharshylyq, ujymdastyrý jáne 1932-33 jyldardaǵy asharshylyq saldarynan mıllıondaǵan qazaq týǵan jerin tastap, jan saýǵalap, dúnıe júzine shashyrap ketýge májbúr boldy.

«Nursultan Ábishuly Nazarbaev jazyqsyz japa shekken qandastarymyzdyń óz otanyna oralýyn armandady.

Ol 1992 jylǵy 28 qyrkúıekte Almatyda álemniń 30 memleketinde turatyn qazaqtardyń basyn qosyp, Dúnıe júzi qazaqtarynyń birinshi quryltaıyn shaqyrdy.

Dúnıejúzi qazaqtarynyń qaýymdastyǵy quryldy jáne shetelde turatyn qazaqtardy jáne Otanyna qaıtyp kelgen qandastarymyzdy qoldaý maqsatynda «Otandastar» qory quryldy.

2017 jyly ótken Dúnıe júzi qazaqtarynyń V quryltaıyna 39 elden kelgen 800-den astam qazaq dıasporasynyń ókilderi jınaldy.

Elbasy bul jıynda sóılegen sózinde: «Biz Táýelsizdik jyldarynda alystaǵy aǵaıyndy qoldaýdy esten shyǵarǵan emespiz. Shetelden 1 mıllıonǵa jýyq qazaqty elge kóshirip alyp, qoldan keler barlyq kómegimizdi jasadyq» dep atap ótti.

Ult Kóshbasshysy óz halqyna jáne týǵan jerine adal árbir qazaq úshin Qazaqstannyń esigi árqashan ashyq ekenin eske saldy.

Jumystyń mańyzdy baǵyty Alash Orda partııasyn tarıhı, saıası jáne quqyqtyq jaǵynan aqtap alý boldy.

Nursultan Nazarbaev Assambleıanyń IV sessııasynda Alash partııasyna qatysty Qazaqstannyń táýelsizdigi - onyń ishinde «ulttyq zııatkerlik elıtanyń eshqashan toqtatylmaǵan jumysynyń nátıjesi» dep atap ótti.

Ol Alash Orda ıdeıalary men Qazaqstannyń qazirgi damýynyń ózara baılanysyn kórsetti.

Sondyqtan Ahmet Baıtursynov, Álıhan Bókeıhanov, Myrjaqyp Dýlatov, Muhamedjan Tynyshbaev, Maǵjan Jumabaev jáne basqalary el táýelsizdiginiń tarıhı tikeleı izasharlary bolyp tabylady.

1988 jyly Qazaqstan Kompartııasy OK qaýlysymen qazaq ıntellıgensııasynyń kórnekti ókilderi: Shákárim Qudaıberdiuly, Ahmet Baıtursynov, Álıhan Bókeıhanov, Maǵjan Jumabaev, Júsipbek Aımaýytov, Mirjaqyp Dýlatov t.b. aqtaldy. Qazirgi ýaqytta arhıv materıaldaryn zertteý jumystary jalǵasýda.

Elbasynyń taǵylym saıasatynyń taǵy bir baǵyty qazaq ulttyq ıntellıgensııasy ókilderin tolyqtaı tarıhı aqtaý bolyp tabylady.

HH ǵasyrdyń 40-50 jyldary Ermuhan Bekmahanov, Ahmet Jubanov, Bekejan Súleımenov, Qasym Amanjolov, Qanysh Sátpaev jáne Muhtar Áýezov qýǵyn-súrginge ushyrap, KSRO Ishki ister halyq komıssarıaty jalpy sany 3720 adamdy «agent» dep taýyp, 183 uıymdy «áshkereledi».

Memleket basshysy Q. Toqaev óz suhbatynda: «jappaı qýǵyn-súrginderdi, onyń ishinde Qazaqstan aýmaǵynda da bolǵan qýǵyn-súrginderdi umytýǵa bolmaıdy... qazaq zııalylary túrmelerde Stalındik satraptardyń qolynan is júzinde jazyqsyz qaza tapty» dep atap ótti.

Qurmetti qatysýshylar!

Árqaısymyzdyń azamattyq ári gýmanıstik paryzymyz – tarıhymyzdyń qasiretti betterin umytpaýdy urpaqtarymyzǵa aıtyp, jetkizý. 

Olar úshin bul – birlik pen kelisim sabaǵy, jalpyulttyq sanany qalyptastyrýǵa apataryn jol. 

Búgin jekelegen seksııalyq otyrystar ótkizilip, olarda konferensııa taqyryby jan-jaqty talqylanatyn bolady. 

Forým jumysyna sáttilik tileımin», - deı otyryp, Janseıit Qanseıituly Túımebaev karantın jaǵdaıynda ótip jatqan jobaǵa onlaın qosylǵandardyń barlyǵyna rızashylyǵyn bildirdi.

Plenarlyq otyrys «Deportasııa. Repressııa. Taǵylym» jáne «Asharshylyq. Soǵys. Tálim» taqyryptaryndaǵy paneldik sessııalarmen jalǵasty.

Sondaı-aq qatysýshylarǵa QR Prezıdenti muraǵatynyń tarıhı-qujattyq kórmesi, KarLAG jáne ALJIR mýzeı-memorıaldyq keshenderiniń materıaldary boıynsha tanystyrylymdar usynyldy.

 

Sońǵy jańalyqtar

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar