Aımaqtar • 29 Mamyr, 2020

Elordalyq medıatorlar otbasyn tatýlastyrýǵa kómektesedi

5 ret kórsetildi

О́tken jyly medıasııa ortalyǵyna barǵan soń 10 jup ajyrasýdan bas tartqan, dep habarlaıdy Nur-Sultan ákimdiginiń resmı saıty.

Otbasyndaǵy kıkiljińdi sotsyz qalaı sheshýge bolady? Elordada Senim tatýlasý ortalyǵy (medıasııa ortalyǵy) óz jumysyn júrgizýde. Munda qıyn ómirlik jaǵdaıda júrgen adamdar júgine alady.

«Otbasylyq qarym-qatynastaǵy problemalarǵa tap bolǵan jáne psıhologııalyq nemese zań kómegine muqtaj adamdar bizge kelip, keńes ala alady. Biz máseleni sotqa deıingi ádistermen sheshemiz», – deıdi «Medıasııa ortalyǵy» jobasynyń kýratory Ásem Áltaeva.

Ortalyq 2019 jyly qurylǵan. Joba aıasynda qoǵamdyq qabyldaý jumys isteıdi, munda bilikti psıhologtar men zańgerler tegin qyzmet kórsetedi, senim telefony bar. Turmystyq zorlyq-zombylyq qurbandaryna kómek kórsetý jáne onyń odan ári kórinisteriniń aldyn alý boıynsha ózara is-qımyl tetigin talqylaý úshin barlyq múddeli qurylymdardy – memlekettik uıymdardy, quqyq qorǵaý organdaryn, ÚEU, BAQ-ty shaqyra otyryp, túrli is-sharalar ótkiziledi.

Sonymen qatar otbasy men azamattar arasyndaǵy janjaldardy tıimdi sheshýge arnalǵan oqytý qyzmetteri tegin kórsetiledi. Senim ortalyǵy quqyq qorǵaý organdarymen, sottarmen jáne AHAJ-men turaqty negizde ózara is-qımyl jasaıdy. Karantın kezinde Senim zańgerlik kómek onlaın-qyzmetine jáne call-ortalyqqa 380 adam júgingen, onyń 270-i quqyqtyq, 110-y jalpy máseleler boıynsha. Ortalyqtyń jumysy jańartylǵannan keıin 230-ǵa jýyq ótinish kelip tústi.

«О́tinishter ártúrli, eńbek daýlarynan bastap, otbasylyq juptar arasyndaǵy daýly jaǵdaılarǵa deıin», – dep túsindirdi Á.Áltaeva.

2019 jyldyń qorytyndysy boıynsha jobamen 3 myń adam qamtyldy, 10 otbasy tatýlasty. Tatýlasý ortalyǵynyń keńes berý qyzmetin júzden astam adam aldy.

«Keıde adamdar bir-birin kórgisi kelmeıdi. Al bilikti medıatordyń arqasynda taraptar tatýlasyp, múlikterdi sotsyz bólýge kómektesedi», – deıdi ortalyqtyń kelýshisi Olga Peskova.

2020 jyly Senim tatýlastyrý ortalyǵy óz qyzmetin Beıbitshilik kóshesi, 14 meken-jaıyndaǵy «Januıa» otbasy ınstıtýtyn damytý ortalyǵynda jalǵastyrýda. Baılanys: +7 7172 64 34 78, +7702 172 61 39, +7 771 996 09 27. Instagram: @center_senim.


Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar