Is-shara Aýyl sharýashylyǵy mınıstri Saparhan Omarovtyń, Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenovtiń, Mınıstrlik basshylyǵynyń, Agroónerkásiptik keshendegi memlekettik ınspeksııa, Veterınarııalyq baqylaý komıtetteriniń, sondaı-aq AShM-niń aýmaqtyq bólimsheleri basshylarynyń qatysýymen ótti.
Baǵynyshtylardyń sybaılas jemqorlyq buzýshylyqtary úshin basshylardyń jaýapkershiligi suraqtary, sybaılas jemqorlyqqa qarsy keshendi monıtorıng qorytyndylary qaraldy.
Aýyl sharýashylyǵy mınıstri Saparhan Omarov óziniń kirispe sózinde organdaǵy sybaılas jemqorlyqqa qarsy is-qımyl boıynsha júrgizilip jatqan jumystar, sonyń ishinde problemalyq máseleler týraly aqparatty jetkizdi.
Sondaı-aq, Mınıstr mınıstrlik janynan qurylǵan «Adaldyq alańy» jobalyq keńsesiniń qyzmeti týraly habardar etti jáne jurtshylyqty osy jobanyń jumysyna belsendi qatysýǵa shaqyrdy.
Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov otstavkaǵa ketý jáne baǵynyshtylardyń sybaılaılas jemqorlyǵy úshin basshylardyń tártiptik jaýapkershiligi ınstıtýtyn iske asyrý tetikterine egjeı-tegjeıli toqtaldy.
Aǵymdaǵy jylǵy 1-toqsannyń qorytyndysy boıynsha júrgizilgen sybaılas jemqorlyqqa qarsy keshendi monıtorıng nátıjeleri kórsetkendeı, Mınıstrlik sybaılas jemqorlyqqa barynsha beıimdi qurylymdar tobynyń qatarynda qala berýde – dep atap ótti Oljas Bektenov.
«Sybaılas jemqorlyq faktileriniń kóbi agroónerkásiptik keshen men veterınarlyq baqylaý salalaryna tıesili. Kóbinese, qylmystyq ister fıtosanıtarııalyq sertıfıkattar men veterınarııalyq anyqtamalar berýmen, memlekettik baǵdarlamalar aıasynda bólingen bıýdjet qarajatyn jymqyrýmen baılanysty» – dep túıindedi spıker.
О́z sózin qorytyndylaı kele, Oljas Bektenov sybaılas jemqorlyqqa qarsy monıtorıngtiń nátıjelerin eskere otyryp, aǵymdaǵy jyldyń maýsym aıynyń basynda aýyl sharýashylyǵy mınıstrligi men onyń aýmaqtyq bólimshelerinde, sondaı-aq jergilikti atqarýshy organdardyń beıindi bólimshelerinde sybaılas jemqorlyq táýekelderine syrtqy taldaý júrgizý josparlanǵanyn habarlady.
Aýyl sharýashylyǵy mınıstri Saparhan Omarov sybaılas jemqorlyqty joıý boıynsha pármendi sharalar qabyldaýǵa nıettiligin atap ótti.
