Aımaqtar • 29 Mamyr, 2020

Maqtaraldyń oqýshylary Qapshaǵaıdan oljaly qaıtatyn boldy

42 ret kórsetildi

«Aıala» qory Almaty oblysynyń Qapshaǵaı qalasynda ornalasqan «Baldáýren» Respýblıkalyq oqý-saýyqtyrý ortalyǵynda demalyp jatqan Maqtaral aýdanynyń alty mektebiniń 5-9 synyp oqýshylaryna 251 kıim-keshek jınaqtamasy men keńse taýarlary salynǵan sonshama rıýkzaktar tabystady.

Túrkistan oblysyndaǵy Maqtaaral aýdanynyń 6 mektebiniń balalary «Aıala» qaıyrymdylyq qorynyń prezıdenti Aıdan Súleımenovanyń jalpy 15 mln teńge soma qarajatyna kıim, aıaq kıim jáne keńse taýarlary salynǵan rıýkzaktar aldy.

«Túrkistan oblysynyń ákimdiginen bizQapshaǵaıǵa Maqtaaral aýdanynan balalardyń kelgeni jáne olarǵa kıim kerek ekeni týraly málimet aldyq. Budan keıin biz Qapshaǵaı qalasyndaǵy «Baldáýren» ROSO basshylyǵyna habarlasyp, naqty ne satyp alý kerektigin bildik. Sóıtip,ár balanyń jasyn, boıyn jáne ólshemin eskere otyryp, 251 jınaqtama jasadyq. Buǵan qosymsha mektepte oqýǵa qajettiniń barlyǵy salynǵan jaqsy rıýkzaktar syılaýǵa sheshim qabyldadyq. Al úılerine qaıtar aldynda balalardyń kóńilin kóterý úshin ózderi jaqsy biletin JOKEASSES komandasynyń vaınerlerin kezdesýge alyp keldik. Demalystyń mundaı tamasha aıaqtalýy olarǵa jaqsy kóńil-kúı syılap, búkil jazǵa qýat berdi dep úmittenemiz», – deıdi  «Aıala» qorynyń prezıdenti Aıdan Súleımenova. 

«AIаLA» qory bergen kıim jınaqtamasynda uldarǵa arnalǵan sholaq shalbar, qyzdarǵa arnalǵan legınsı, fýtbolka, sandal, krossovka, shulyq, hýdıl men qalyń jeıdeler bar. Bulardyń barlyǵy jolǵa yńǵaıly sómkege salynǵan. Mektepke arnalǵan árbir rıýkzakta – 55 túrli keńse kerek-jaraqtary, uıaly telefondar úshin tasymaldanatyn qýattaý qurylǵysy jáne aýyz sýǵa quıyp júretin bótelkeleri bar.

Maqtaral aýdanyń oqýshylary «Baldáýren» oqý-saýyqtyrý ortalyǵynda 2 apta boldy. Olar jaıly jabdyqtalǵan bólmelerde turdy, 5 ýaqyt tamaqpen qamtamasyz etildi, saýyqtyrý sharalaryn aldy, ashyq basseınde shomylyp, shyǵyrshyqty jáne ózi syrǵanaıtyn qurylǵylarmen syrǵanady. Sport seksııalarynda tennıspen, sadaqpen atýmen, fıtnespen aınalysty. Ortalyq qyzmetkerleri balalar úshin qyzyqty vıktorınalar, estafetalar uıymdastyrdy. Eń bastysy – ár bala psıhologııalyq turǵydan ońaldy. QR Bilim jáne ǵylym mınıstrligi bekitken arnaıy jospar boıynsha bilikti pedagog-psıhologtar olarmen jumys istedi.  Sonymen qatar, «Baldáýren» ortalyǵynda olar TJB qashyqtan tapsyrdy jáne oqý jylyn sátti aıaqtady.

«2020 jylǵy 18 mamyrdan beri bizde Túrkistan oblysy Maqtaral aýdanynyń balalary demaldy. Bul shyǵarmashylyq baǵyttaǵy aýysym, sondyqtanbalalardyń shyǵarmashylyq áleýetin damytýǵa úlken kóńil bólinedi, olar sahna ónerin úırenedi, konkýrstarmenfleshmobtar ótkizedi. Jyl mezgiline, ornalasqan jergejánejaǵdaılarǵa qaramastan, álemdi jaqsylyq jáne izgi ister bıleıdi. Balalardy kıimmen jáne mektepke kerek-jaraqtarmen qamtamasyz etý úshin qarajat bólgen «AIаLA» qaıyrymdylyq qory sekildi qamqor adamdardyń bar ekeni qatty qýantady», – dedi Qapshaǵaı qalasyndaǵy «Baldáýren» Respýblıkalyq oqý-saýyqtyrý ortalyǵynyń dırektory Renat Kulmaǵambetov.

 

Almaty 

 

Sońǵy jańalyqtar

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar