Aımaqtar • 29 Mamyr, 2020

Áskerıler zalalsyzdandyrý jumystaryn qaıta bastady

30 ret kórsetildi

Qazaqstanda Qarýly Kúshterdiń áskerı qyzmetshileri zalalsyzdandyrý jumystaryn qaıta bastady. Elimizdiń 5 qalasy - Almaty, Taldyqorǵan, Semeı, Atyraý jáne Aqtaý qalalary birinshi bolyp kósheler men qoǵamdyq oryndardy zalalsyzdandyrý jumystaryn qolǵa aldy. 

Almatyda Radıoelektronıka jáne baılanys áskerı-ınjenerlik ınstıtýtynyń áskerı qyzmetshilerinen quralǵan arnaıy bólimsheler koronavırýs ınfeksııasynyń aldyn alý úshin qala kósheleri men qoǵamdyq oryndardy zalalsyzdandyrý boıynsha jumystaryn qaıta jandandyrdy.

Radıoelektronıka jáne baılanys áskerı-ınjenerlik ınstıtýtynyń baspasóz qyzmetiniń málimetinshe, «Kelisilgen josparǵa sáıkes búgin №1 qalalyq emhana men birneshe shıpajaılar zalalsyzdandyryldy. Oǵan 60-tan astam áskerı qyzmetshiler men 10 áskerı tehnıkasy tartylǵan. Karantın sharalarynyń bosańsýyna baılanysty adam qarasy óte kóp, sondyqtan zalalsyzdandyrý jumystary óte tııanaqty júrgizilýde», - dep atap ótti REjBÁII shtabynyń radıasııalyq, hımııalyq, bıologııalyq qorǵaý, ekologııalyq qaýipsizdik jáne aınaladaǵy keńistik kúzet qyzmetiniń bastyǵy podpolkovnık Baqytjan Temirbaev.


Zalalsyzdandyrý úshin natrıı gıpohlorıti qoldanylýda, onyń hlorǵa tán ıisi bar. Gıpohlorıt zalalsyzdandyrýda qoldaný konsentratyna oraı adamdar men janýarlarǵa ýly jáne qaýipti emes.


Qaladaǵy zalalsyzdandyrý jumystaryna Almaty garnızony boıynsha barlyǵy 150-ge jýyq áskerı qyzmetshiler tartylǵan. Búgingi kúni arnaıy bólimsheler Almaty qalasynyń 20 nysanynda zalalsyzdandyrý jumystaryn júrgizdi.


Jalpy tótenshe jaǵdaı rejımi kezinde Qarýly Kúshterdiń áskerı qyzmetshileri Qazaqstannyń 29 qalasynda jalpy aýdany 50 mıllıon sharshy metrden asatyn 10,5 myńnan astam áleýmettik mańyzy bar nysandarǵa jáne uzyndyǵy 4000 shaqyrymǵa jýyq jol ýchaskelerine dezınfeksııa júrgizdi.Bul Qazaqstan armııasynyń múmkindikteriniń shegi emes.

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar