Aımaqtar • 29 Mamyr, 2020

«Birgemiz» qory shymkenttikterge 2,8 mlrd teńge qarajat aýdardy

143 ret

kórsetildi

1 mın

oqý úshin

«Nur Otan» partııasy Shymkent qalalyq fılıalynyń tóraǵasy, qala ákimi M.Áıtenovtiń qatysýymen «Nur Otan» partııasy aktıviniń beınekonferensııa májilisi ótti.

Jıyn barysynda Elbasy N.Nazarbaevtyń bastamasymen qurylǵan «Birgemiz» respýblıkalyq qoǵamdyq qorymen atqarylyp jatqan jumystar men QR Prezıdenti Q.Toqaevtyń tótenshe jaǵdaı kezinde halyqty áleýmettik qoldaý sharalary, partııa Tóraǵasynyń Birinshi orynbasary B.Baıbektiń Shymkentke jasaǵan issaparynda jáne QR Premer-mınıstri A.Mamınniń azamattardy qabyldaý kezinde bergen tapsyrmalarynyń oryndalý barysy talqylandy.

Nurshat TО́KEN

«Birgemiz» qory shymkenttikterge 2,8 mlrd teńge qarajat aýdardy

Jıynda sóz alǵan «Nur Otan» partııasy Shymkent qalalyq fılıaly tóraǵasynyń birinshi orynbasary B. Narymbetov «BizBirgemiz» respýblıkalyq aksııasy men «Birgemiz» qoǵamdyq qory aıasynda atqarylǵan jumystardy baıandady.

««Birgemiz» respýblıkalyq qoǵamdyq qorynan 40 myńnan asa qala turǵynynyń jeke esepshottaryna 50 myń teńgeden jalpy 2,8 mlrd teńge qarajat aýdaryldy. Al «BizBirgemiz» aksııasy aıasynda 8 myńnan asa otbasy azyq-túlik jıyntyǵymen qamtamasyz etildi jáne 1 mln maska tegin taratyldy. Qaladaǵy sý basý apatynan zardap shekken «Eltaı» eldimekenindegi 60 otbasyǵa azyq-túlikpen gıgıenalyq zattar taratyldy»,- dedi B.Narymbetov.