Álem • 29 Mamyr, 2020

Amerıkalyqtar «Daıdıdaý» ánin qazaq tilinde shyrqady (vıdeo)

330 ret kórsetildi

24 mamyrda Dımashtyń AQSh-taǵy fan-klýbynyń resmı YouTube kanalynda jankúıerlerdiń birigip, qazaqstandyq ánshiniń ánin qazaq tilinde oryndap jatqan vıdeosy jarııalandy.

Naýryz aıynyń basynda «Dimash USA FC» kóshbasshysy fan-klýb jetekshiligine Dımashtyń týǵan kúnine oraı quttyqtaý vıdeorolık  túsirý ıdeıasyn usynǵan bolatyn. Kalıfornııadaǵy fan-klýb fılıalynyń lıderi Kımberlı Falkone ıdeıany birden qoldady. Alaıda, vıdeony qaı stılde túsirý kerektigin birden naqtylamady.

Keıin Kımberlı toptyń translıterasııa boıynsha múshesi Chelsı Daımondqa jolyǵyp, jańa vıdeo ázirleý kerektigi týraly ótinish aıtady. Áńgime barysynda erekshe «chellendj» uıymdastyrý týraly oı keledi – ózge fanattarmen birigip, Dımashtyń ánin onyń ana tilinde shyrqaý kerek bolady. Osyǵan uqsas qashyqtyqtan hormen oryndalǵan ánderdi tyńdap, amerıkalyq fan-klýb ákimshisi túsirilimdi basqa jankúıerlermen de ázirleý kerek dep sheshedi.

Fanattar Dımashtyń «Daıdıdaý» ánine toqtaıdy. Bul ánniń Nıý-Iorktegi konsertte bolǵan amerıkalyq fanattar úshin mańyzy zor.

Fan-klýb ákimshisi «FaceTime» boıynsha vıdeoqońyraý stılinde vıdeo jazady, ózge fanattar da qoldaıdy degen senimmen ózderiniń ıdeıalary týraly fan-klýbtyń feısbýktegi resmı akkaýntynda habarlaıdy.

Qulaqqap kıip, Dımashtyń «Daıdıdaý» ánin ýnıson oryndap, jeke daýystaryn joldaý kerektigi týraly úndeý tastaıdy. Vıdeolar jınalǵan soń, fan-klýb ákimshisi olardy tutas bir vıdeoǵa biriktiredi.

Amerıkalyq fanattardyń aıtýynsha, qazaq tilinde án aıtý ońaıǵa soqpasa kerek, biraq qyzyq bolypty. Translıterasııanyń kómegi de zor bolǵan. Birqatar Dears bekvokal jazyp, ándi odan ári árleı tústi.

Dears vıdeosyn MP3 formatqa konvertasııalap, Dımashtyń daýysymen baılanystyrǵanǵa deıin shamamen 100 saǵattan astam ýaqyt ketti. O basta fanattar ándi tolyq oryndap shyqty, keıin edıtorlar árbir qatysýshynyń vıdeosynan ánniń bir jolynan kesip, tutas bir rolık qurastyryp shyqty.

Jalpy alǵanda, horǵa  AQSh-tyń 7 shtaty men tórt memleketten (Nıderlandy, Kanada, Kolýmbııa, Úndistan) 21 Dears qatysty.

Sonymen birge, AQSh-tyń 21 shtatynan jáne tórt elden (Argentına, Brazılııa, Kanada, Nıderlandy) 102 fanattyń quttyqtaý lebizderi vıdeoǵa jazyp alyndy.

Amerıkalyq fan-klýb ákimshisiniń aıtýynsha, barlyq Dears jumysty qýana-qýana istegen. Karantın kezinde olar Dımashty qýanysh syılap, quttyqtap qana qoımaı, birlesken jobany ázirleý barysynda keremet ýaqyt ótkizip, erekshe sezimge bólendi.

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar