2013 jylǵy 3 shilde Astana qalasy
«Kásiptik daıarlyq deńgeıin baǵalaý jáne tehnıkalyq jáne qyzmet kórsetetin eńbek kásipteri (mamandyqtary) boıynsha biliktilikti berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 18 maýsymdaǵy № 281 buıryǵyna ózgerister men tolyqtyrýlar engizý týraly
buıyramyn:
1. «Kásiptik daıarlyq deńgeıin baǵalaý jáne tehnıkalyq jáne qyzmet kórsetetin eńbek kásipteri (mamandyqtary) boıynsha biliktilikti berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 18 maýsymdaǵy № 281 buıryǵyna (Normatıvtik aktilerdi memlekettik tirkeý tiziliminde № 7796 tirkelgen, «Kazahstanskaıa pravda» gazetinde 2012 jylǵy 1 tamyzda № 245-246 (27064-27065) jarııalanǵan) mynadaı ózgerister engizilsin:
Kórsetilgen buıryqpen bekitilgen Tehnıkalyq jáne qyzmet kórsetý eńbeginiń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalarynda:
4-taraýdy 7 tarmaqshamen kelesi mazmunda tolyqtyrylsyn:
«7) biliktilik komıssııasy (budan ári - BK) - emtıhan tapsyrýshylardyń bilimderi, sheberlikteri men daǵdylarynyń deńgeıin, olardyń oqý baǵdarlamalary men biliktilik sıpattamalaryna sáıkestigin anyqtaıdy.»;
5, 6, 7 jáne 8 – tarmaqtar mynadaı redaksııada jazylsyn:
«5. Tehnıkalyq jáne kásiptik bilim beıinderi boıynsha KDDB ótkizý jáne tehnıkalyq jáne qyzmet kórsetetin eńbek kásipteri (mamandyqtary) boıynsha biliktilikti berý úshin sertıfıkattaý jónindegi táýelsiz BK qurady. BK músheleriniń sany keminde 3 (úsh) adamdy (taq san) quraıdy.
6. BK quramy testilenetin kásipterdiń (mamandyqtardyń) tıisti kásipter mamandary qatarynan KDDB ótkizýden keminde kúntizbelik 30 kún buryn qurylady.
7. BK tóraǵasy iri kásiporyndar, shaǵyn jáne orta bıznes uıymdary nemese jumys berýshiler qaýymdastyqtary ókilderiniń arasynan taǵaıyndalady.
8. BK tóraǵasynyń testilenetin kásipter (mamandyqtar) boıynsha tıisti mamandyǵy bar.»;
11- tarmaǵy mynadaı redaksııada jazylsyn:
«11. BK quramy, olardyń jumysyn uıymdastyrý, traktorlardy jáne basqa da ózdiginen júretin aýyl sharýashylyǵy melıoratıvtik kólikterin, sondaı-aq avtokólik quraldaryn basqarýǵa beriletin kýálikterdi berý tártibi
Traktorlardy jáne olardyń bazasynda jasalǵan ózdiginen júretin shassıler men mehanızmderdi, ózdiginen júretin aýylsharýashylyq, melıorasııalyq jáne jol qurylysy mashınalaryn, sondaı-aq júrip ótý múmkindigi joǵary arnaıy mashınalardy júrgizý quqyǵyna emtıhandar qabyldaý jáne kýálikter berý qaǵıdalaryn bekitý týraly
Qazaqstan Respýblıkasy Úkimetiniń 2012 jylǵy 6 jeltoqsandaǵy № 1556 Qaýlysyna sáıkes anyqtalady.».
2. Tehnıkalyq jáne kásiptik bilim departamenti (Q.Q. Bóribekov):
1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) osy buıryq memlekettik tirkeýden ótkennen keıin buqaralyq aqparat quraldarynda jarııalasyn.
3. Osy buıryqtyń oryndalýyn baqylaý vıse-mınıstr M.A. Ábenovke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B.JUMAǴULOV.
Buıryq Qazaqstan Respýblıkasynyń Ádilet mınıstrliginde 2013 jylǵy 25 shildede Normatıvtik quqyqtyq kesimderdi memlekettik tirkeýdiń tizilimine №8579 bolyp engizildi.
