Aımaqtar • 29 Mamyr, 2020

«Til-Qazyna» ortalyǵy onlaın semınar ótkizdi

10 ret kórsetildi

Búgin Nur-Sultan qalasynda Mádenıet jáne sport mınıstrligi Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen «Aqparattyq tehnologııa termınderiniń búgini: ult tili jáne zaman sabaqtastyǵy» atty onlaın semınar ótti.

Semınardyń basty maqsaty – jahandaný jaǵdaıynda qazaqtyń ǵylymı tilin damytý úshin aqparattyq tehnologııa termınderiniń ulttyq úlgisin jasaý, jetildirý, júıeleý máselelerin talqylaý jáne shettildik termınderdi ıgerýdegi sátti tájirıbemen bólisý.

Almaty energetıka jáne baılanys ýnıversıetetiniń dosenti A.Shaıqulova óz baıandamasynda aqparattyq tehnologııa salasynda termındik qordy jetildirý jáne tájirıbede qoldaný máselelerine toqtala otyryp, Qazaqstan Respýblıkasy Úkimeti janyndaǵy Respýblıkalyq komıssııa bekitken termınderdiń keń qoldanys taýyp jatqany da, bekitilgen qalpynda esh qoldanysqa enbeı qalǵany da bar ekenin atap ótti. Qoldanys tappaýdyń sebebin bekitilgen termınderdi nasıhattap, túsindirý jumysynyń óz deńgeıinde bolmaýynan, qazaq tiliniń úndesim zańyna baǵynbaǵan ne qazaq sóz tabıǵatyna beıimdelmegen jasandy termınderdiń oryn alýynan ekenin baıandady. Sondaı-aq baıandamashy aqparattyq tehnologııa salasyndaǵy termındik qordan oryn alýy múmkin birqatar termındi usyndy.

Batys Qazaqstan ınnovasııalyq ýnıversıtetiniń dosenti A.Abdýlmanov ulttyq til negizinde kompıýter termınderiniń úles salmaǵynyń tómen deńgeıde bolýynyń bir sebebi qazaq tilindegi utymdy jasalǵan termınderdiń (mysaly, tintýir (myshka), saqtaǵysh (fleshka), býma (papka), pernetaqta (klavıatýra)) ózin kúndelikti tilimizde jıi qoldanylmaıtyndyǵynan deı otyryp, aqparattyq tehnologııa salasynyń termınologııalyq órisi orys tili men qosa aǵylshyn tilimen etene baılanysyp jatqandyqtan, salalyq termınologııany damytýdyń jańa, ózgeshe tásilderin oılastyrý qajettigin atap ótti.

Qazaq ulttyq qyzdar pedagogıkalyq ýnıversıtetiniń professory Ǵ.Shoıbekova aqparattyq tehnologııa termınderin tilimizge engizerde, tiltanýshy ǵalymdar men sala mamandarynyń pikirimen sanasyp, turaqtap qalatyn termınder qalyptastyrýǵa basymdyq berý kerektigine toqtaldy.

Sondaı-aq semınarda sala mamandary men jurtshylyqqa ádistemelik jaǵynan qoldaý kórsetý kózdeldi.

Is-sharany sala mamandary, fılologtar men joǵary oqý ornynyń stýdentteri, jalpy jurtshylyq www.termincom.kz saıtynyń YouTube kanalynan kóre alady.

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar