Aımaqtar • 29 Mamyr, 2020

Halyqaralyq ǵylymı-tájirıbelik onlaın konferensııa ótti

26 ret kórsetildi

29 mamyr kúni Qazaqstan Respýblıkasynyń Tuńǵysh Prezıdenti – Elbasy kitaphanasy Aqmola oblysynyń ákimdigimen, Sh.Ýálıhanov atyndaǵy Kókshetaý memlekettik ýnıversıtetimen birlese uıymdastyrǵan, «N.Á.Nazarbaev jáne Qazaqstannyń halyqaralyq bastamalary: tájirıbe jáne basymdylyqtar» atty halyqaralyq ǵylymı-tájirıbelik onlaın konferensııa ótti. Konferensııa jumysyna qazaqstandyq memlekettik-saıası, isker jáne ǵylymı elıta, Qazaqstanda akkredıttelgen dıplomatııalyq ókildikter men mıssııalardyń, óńirlik memlekettik ýnıversıtetterdiń ókilderi, sondaı-aq Reseı, AQSh, Túrkııa, Shveısarııa jáne basqa elderdiń sarapshylary qatysty.

Konferensııanyń negizgi baǵyttary:

- Halyqaralyq qaýipsizdikti nyǵaıtýdaǵy Elbasy N.Á. Nazarbaevtyń jahandyq bastamalary;

- Qazaqstan jáne mega aımaqtyq qaýipsizdik: qaýip-qaterler men táýekelder;

- Iаdrolyq qarýsyz álemge jol: Elbasy bastamalary;

- «Beıbitshilik. HHI ǵasyr»: jahandyq yntymaqtastyq jańa dáýiriniń manıfesi;

- Qazaqstannyń bitimgershilik mıssııasy.

Konferensııa Qazaqstan Respýblıkasynyń Tuńǵysh Prezıdenti – Elbasy Keńsesiniń qoldaýymen Qazaqstan Respýblıkasynyń Tuńǵysh Prezıdenti-Elbasy N.Á. Nazarbaevtyń turaqtylyq pen beıbitshilikti, halyqaralyq qatynastardy transformasııalaý mánmátininde óńirlik qaýipsizdikti qamtamasyz etýdiń negizgi máselelerin nyǵaıtýdaǵy bastamalarynyń róli men mańyzdylyǵyn talqylaýǵa sarapshylyq qaýymdastyq pen jas ǵalymdardy tartý maqsatynda ótkizildi.

Is-sharany konferensııa moderatory, Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory, saıası ǵylymdar doktory, professor Ámirhan Rahymjanov ashty.  Konferensııa qatysýshylary - qazaqstandyq memlekettik-saıası, isker jáne ǵylymı elıta, Qazaqstanda akkredıttelgen dıplomatııalyq ókildikter men mıssııalardyń, óńirlik memlekettik ýnıversıtetterdiń ókilderin, sondaı-aq Reseı, AQSh, Túrkııa, Shveısarııa jáne basqa elderdiń sarapshylaryn tanystyryp ótken Ámirhan Muratbekuly Qazaqstan Respýblıkasynyń Tuńǵysh Prezıdenti – Elbasy Keńsesiniń Basshysy, saıası ǵylymdar doktory, professor Mahmud Qasymbekovtiń konferensııanyń qatysýshylary men qonaqtaryna arnalǵan quttyqtaý sózin oqyp berdi. 

«…Ǵalamdyq deńgeıdegi saıası kóshbasshynyń asa kórneki qasıetteri, kózqarastardyń jańashyldyǵy men órligi, ereksheligi, biregeı qabiletteri jahandyq aýqymdaǵy ıdeıalardy týǵyzady – halyqaralyq uıymdar men álemniń jetekshi memleketteri basshylarynyń kóbiniń tarapynan N.Á.Nazarbaev qyzmetine berilgen kópshilik maquldaǵan baǵa osyndaı. Sondyqtan Elbasy halyqaralyq keńistikte memleketterdiń beıbit jáne teń quqyqta ómir súrý negizderin nyǵaıtýǵa baǵyttalǵan kóp vektorly ishki saıasat konsepsııasynyń avtory bolýy ádiletti sheshim.  N.Á.Nazarbaevtyń ıdeıalary men sheshimderiniń birizdiligi, utymdylyǵy, beriktigi Qazaqstannyń ǵalamdyq ıadroǵa qarsy qozǵalys kóshbasshysy, bitimgerlik úderisterdi talqylaý, álemdik dinder men ulystar ókilderiniń tıimdi ashyq suhbat alańy, eýrazııalyq ekonomıkalyq keńistikte megaaımaqtyq ıntegrasııalyq úrdisterdiń, túrkitildes memleketter men ózge elderdiń yntymaqtastyǵyndaǵy múddelerdi jaqyndastyrý generatory retindegi halyqaralyq mártebesin bekitip berdi. Búginde onjyldyqtar artta qalǵannan keıin de Elbasy bastamalarynyń ózektiligi tek artyp kele jatyr, sebebi qazirgi dáýirde halyqaralyq turaqtylyqqa tóngen qaýip áli de bar, óńirlik, ultaralyq jáne konfessııaaralyq qaqtyǵystar ótkir kúıinde qalyp otyr. Konferensııaǵa qatysýshylardyń baıandamalary men sózderi memlekettiń ishki saıası baǵamy qaǵıdattarynyń tarıhı mańyzyn sezinip, Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń halyqaralyq qoǵamdastyqtaǵy elimizdiń joǵary orynda turýyn qamtamasyz etýdegi baǵa jetpes úlesi men erekshe rólin anyqtap bererine kúmán joq», – delingen M. Qasymbekovtiń úndeýinde  .

Konferensııanyń plenarlyq bóligi Á.M.Rahymjanovtyń «Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń halyqaralyq bastamalary – memlekettiń syrtqy saıasatynyń mánmátininde» taqyrybyndaǵy negizgi baıandamasynan bastaldy. Spıker óz baıandamasynda Elbasynyń halyqaralyq bastamalarynyń tómendegideı alty iri baǵytyna jan-jaqty toqtalyp, olardy túsindirip ótti: «Qazaqstannyń ekijaqty jáne kópjaqty qarym-qatynastarǵa teń quqyly qatysýyna baǵyttalǵan bastamalar», «Qazaqstannyń aımaqtyq jáne ǵalamdyq qaýipsizdikti jasaqtaý men qamtamasyz etýge baǵyttalǵan  ıdeıalar men bastamalardy ilgeriletýge belsendi qatysýy», «megaaımaqtyq ıntegrasııalyq úderister», «elimizdiń syrtqy saıasaty baǵytynda kórinis tapqan Elbasynyń bitimgershilik bastamalary», «mádenıettanymdyq bastamalar», «túrki yntymaqtastyǵynyń keńeıýi jáne tereńdeýi».

– Sanaly ǵumyryn halqyna qyzmet etýge arnaǵan eliniń adal perzenti Elbasymyz Nursultan Ábishuly Nazarbaevtyń jahandyq deńgeıdegi saıasatkerligi Qazaqstandy barlyq halyqaralyq mindettemelerdi saqtaı otyryp, kóp vektorly, teńgerimdilik jáne pragmatızm qaǵıdattaryna negizdelgen beıbitsúıgish syrtqy saıası baǵyty bar memleketke aınaldyrdy. Elimiz aldaǵy ýaqytta da osy baǵyttan taımaı, Elbasy salyp bergen «Qazaqstan joly» jalǵasary sózsiz, - dep qorytyndylady Ámirhan Rahymjanov.

Aqmola oblysynyń ákimi Ermek Marjyqpaev konferensııa qatysýshylaryna quttyqtaý sóz joldady:

- Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń jahandyq jobalary barsha álemde tanylǵan. TMD, ShYU, EýrAzEO, EQYU, IYU syndy halyqaralyq uıymdarda tóraǵalyq etý - elimizdiń halyqaralyq deńgeıdegi bedelin kórsetti. Eýropalyq saıası qaıratkerler men ǵylymı orta ókilderi: «N. Á. Nazarbaev eldiń saıası elıtasy jáne turǵyndarymen birge Qazaqstandy Ortalyq Azııanyń basqa memleketterimen salystyrǵanda, qaýipti tóńkeristi shıelenisterdi aınalyp ótip, evolıýsııalyq jolmen aýqymdy demokratııalyq reformalardy júrgizýge barynsha daıyn elge aınaldyrdy». ... Tuńǵysh Prezıdentimizdiń danalyǵy men kóregendigi - álemdik qaýymdastyqty tarıhı ólshem boıynsha jas memlekettiń pikirimen eseptesip, olardyń qurmeti men moıyndaýyna ıe boldy. Sondyqtan, prezıdenttik ýákilettiliktiń toqtaýyna qaramastan, Elbasynyń tájirıbesi men bilimi, kózqarasy men keńesteri aldaǵy ýaqytta da asa ózekti jáne álemdik saıası sahnada mol suranysqa ıe bola bermek, – delingen onyń úndeýinde.

Qazaqstan Respýblıkasynyń Parlamenti Májilisiniń depýtaty, halyqaralyq ister, qorǵanys jáne qaýipsizdik komıtetiniń tóraǵasy Muhtar Erman «Elbasynyń halyqaralyq bastamalaryn zań shyǵarýshylyq qamtamasyz etý» taqyrybynda baıandama jasady.

– Elbasynyń halyqaralyq bastamalary áleýetiniń ózektiligi aǵymdaǵy jáne uzaqmerzimdi tarıhı bolashaqta saqtalary sózsiz. Beıbitshilik pen turaqty damý múddesinde usynylǵan ıdeıalar halyqaralyq ynytamaqtastyqtyń túrli salalaryndaǵy ahýaldyń oń damýyna ıgilikti áser etýde jáne jahandyq kún tártibiniń tanylǵan quramdasyna aınaldy, - dep atap ótti.    

Qazaqstan Respýblıkasy Syrtqy ister mınıstriniń orynbasary Marǵulan Baımuhan «Elbasynyń halyqaralyq  bastamalary Qazaqstannyń syrtqy saıasatynyń negizi» atty baıandama usynyp, onda elimizdiń syrtqy saıasatynyń qalyptasýy men damýynyń negizgi kezeńderin atady.

– N.Á.Nazarbaevtyń erki - memlekettik saıasat pen elimizdiń syrtqy saıasatynyń baǵytyn qalyptastyrýda árdaıym kórinis tapty. Sondyqtan, Qazaqstandaǵy memlekettik qurylysty onyń Tuńǵysh Prezıdentiniń tulǵasynan bólip qaraý múmkin emes. Mundaı qorytyndynyń qalyptasýyna Elbasynyń jeke qasıetteri, harızmasy men halyqaralyq tanylýy sebep boldy. Qazaqstannyń Tuńǵysh Prezıdenti qysqa merzimde zamanaýı álemniń saıası elıtalary qatarynan oıyp, óz ornyn aldy, óıtkeni onyń tulǵasyn turaqtylyq jáne ashyqtyqpen baılanystyrady. Tuńǵysh Prezıdenttiń syndarly syrtqy saıasaty halyqaralyq qoǵamdastyq úshin turaqtylyqtyń jarqyn úlgisine, serpindi jáne gúldengen memleket damýynyń modeline aınaldy», - dedi M.Baımuhan.

Sonymen qatar, konferensııa jumysyna Polsha Respýblıkasynyń Qazaqstandaǵy Tótenshe jáne ókiletti elshisi Selım Hazbıevıch, О́zbekstan Respýblıkasynyń Qazaqstandaǵy Tótenshe jáne ókiletti elshisi Saıdıkram Nııazhodjaev, Sh.Ýálıhanov atyndaǵy Kókshetaý memlekettik ýnıversıtetiniń rektory, ekonomıka ǵylymdarynyń kandıdaty Marat Syrlybaev («Halyqaralyq standarttar boıynsha bilim: Elbasy bastamalary»), buryńǵy Qazaqstan Respýblıkasynyń Syrtqy ister mınıstri (1991-1994jj.), Qazaqstan Respýblıkasy Prezıdentiniń janyndaǵy Memlekettik basqarý akademııasy Dıplomatııa ınstıtýtynyń professory, saıası ǵylymdar doktory, professor Tóleýtaı Súleımenov («1991-1994 jyldar aralyǵyndaǵy Qazaqstan Respýblıkasynyń Prezıdenti N.Á.Nazarbaevtyń syrtqy saıasat bastamalary»), Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynyń dırektory, áleýmettaný ǵylymdarynyń doktory, professor Zarema Sháýkenova («Iаdrosyz álemge jol: Elbasy bastamalary»), ekonomıka jáne menedjment jónindegi qoldanbaly ǵylymdar Shveısarlyq mektebiniń rektory Domınık A.G. Djordan (beınebaıandama: «Qazaqstannyń beıbitshilik pen tanymǵa qosqan biregeı úlesi»), Jamestown Foundation saıası ǵylymdar doktory, professor Teodor Karasık (beınebaıandama: «BAÁ-niń Qazaqstandaǵy strategııasy»), Reseı Federasııasy Prezıdentiniń janyndaǵy Halyq sharýashylyǵy jáne memlekettik basqarý akademııasy Soltústik-Batys basqarý ınstıtýtynyń áleýmettik tehnologııalar kafedrasynyń meńgerýshisi, «Rýsskaıa mechta» zertteý taldamalyq ortalyǵynyń dırektory, saıası ǵylymdar doktory, professor Inna Vetrenko («Eýrazııalyq ıntegrasııa N.Á.Nazarbaevtyń perspektıvalyq jobasy: tarıhy jáne boljamdar»), L.N.Gýmılev atyndaǵy EUÝ-niń Qazaqstan halqy Assambleıasy kafedrasynyń meńgerýshisi, ekonomıka ǵylymdarynyń doktory, professor Anatolıı Bashmakov («Qazaqstandaǵy beıbitshilik pen kelisimnen ǵalamshardaǵy beıbitshilik jáne qaýipsizdikke deıin»), PhD doktory, Egeı ýnıversıteti túrik álemin zertteý ınstıtýtynyń professory Ekıjı Metın (beınebaıandama «Túrkilik qarym-qatynastar»), Leshnodaǵy Iаn Amos Komenskıı atyndaǵy qoldanbaly ǵylymdar ýnıversıtetiniń rektory, professor Macheı Petshak (beınebaıandama: «Barsha álemdegi beıbitshilikti nyǵaıtýdaǵy ýnıversıtetter halyqaralyq yntymaqtastyǵynyń máni men róli»), QR Prezıdentiniń janyndaǵy Memlekettik basqarý akademııasynyń Aqmola oblysy boıynsha fılıalynyń dırektory, fılologııa ǵylymdarynyń kandıdaty, professor Bella Gazdıeva («Elimizdiń ıntellektýaldyq áleýetin damytý boıynsha N.Nazarbaevtyń jahandyq bastamalary»), Reseı ǵylym akademııasy Qıyr Shyǵys ınstıtýtynyń professory, saıası ǵylymdar doktory Vladımır Petrovskıı (beınebaıandama: «N.Nazarbaevtyń saıası oıshyl retindegi murasy»), L.N.Gýmılev atyndaǵy EUÝ rektorynyń keńesshisi, saıasattaný kafedrasynyń meńgerýshisi, fılosofııa doktory (PhD) Indıra Rystına («Jahandyq syn-qaterlerdiń aldyn alýdaǵy N.Nazarbaev bastamalarynyń róli»).

Onlaın-konferensııa eki saǵattan astam ýaqytqa sozyldy. «N.Á.Nazarbaev jáne Qazaqstannyń halyqaralyq bastamalary: tájirıbe jáne basymdylyqtar» atty onlaın-konferensııasynyń baıandamalary jeke basylym bolyp shyqqanyn atap ótkimiz keledi. Sondaı-aq, jınaqqa onlaın-konferensııa qatysýshylarynyń 40-tan asa maqalalary endi. Barlyq baıandamalar men maqalalar kópshilik oqyrmandardyń qyzyǵýshylyǵyn týdyrary sózsiz jáne tájirıbede qoldanýǵa bolady.

Á.Rahymjanov konferensııany qorytyndylaı kele barlyq qatysýshylarǵa, onyń ishinde Qazaqstannyń syrtqy saıasat bastamalaryn taldaǵan jáne olardy júzege asyrýdaǵy Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń róline joǵary baǵa bergen baıandamashylarǵa alǵysy men qurmetin bildirdi.

Sońǵy jańalyqtar

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar