Aımaqtar • 29 Mamyr, 2020

Almatyda «Baqyt Soqpaqtary» jobasynyń tusaýy kesildi

28 ret kórsetildi

Almatyda ekologııalyq týrızm men sportty damytý aıasynda Ile Alataýy taýlaryna 71 shaqyrymdyq   soqpaq  jol  jaıǵasady. Sonymen qatar,  taǵy  9 shaqyrymdyq sporttyq joldar abattandyrylady. Bul týraly búgin Interfaks-Qazaqstan baspasóz ortalyǵynda ótken onlaın-konferensııada habarlandy.

Búgin Almaty qalasynda BI Group-tyń «Baqyt Soqpaqtary» jańa jobasynyń tusaýkeseri ótti. Ideıanyń bastamashysy – «BI Group» holdıngi. Kompanııa ókilderi ózderiniń bul jobasyn  Almaty qalasynyń ákimi Baqytjan Saǵyntaevqa  2019 jyldyń kúzinde usynǵan edi, tyń bastama ákimdik  tarapynan    qoldaý tapty.

Jobanyń birinshi kezeńinde 71 shaqyrymǵa jýyq   toǵyz taý jolyn (Tuıyqsý, Kimasar, Gorelnıka, Japon joly jáne t. b. ) abattandyrý josparlanýda. Kúrkeler qoıylady, qaýipti jerlerde – metall kópirsheler men joldar jasalady,sondaı-aq bıvýaktarǵa arnalǵan oryndar jaılastyrylady. Qajet jerlerde marshrýttardyń kórsetkishteri men aqparattyq qalqandar ornatylady. Joba aıasynda qala turǵyndary úshin jaıaý joryqtar, sporttyq is-sharalar, bilim berý ekskýrsııalary uıymdastyrylady. Almatynyń ózinde Esentaı jáne Kishi Almaty (Terrenkýr) ózenderiniń boıyndaǵy sporttyq joldarda sport qalashyqtary jóndeledi, aýmaq abattandyrylady.

BI Group holdıngi dırektorlar keńesiniń tóraǵasy Aıdyn Rahymbaev jobanyń tanystyrylymynda  bylaı dedi: 

– Osydan bes jyl buryn kompanııanyń 20 jyldyǵyna oraı biz Qazaqstannyń elordasynda «Trıatlon-park» salyp, oǵan 2 mıllıon dollar jumsadyq. Biz bul jobanyń  astanalyqtarǵa unaǵanyn kórip otyrmyz, olar jyldyń kez kelgen mezgilinde sportpen shuǵyldanady, onda buqaralyq sporttyq sharalar uıymdastyrylady. Endi mine, kompanııamyzdyń 25 jyldyǵy qarsańynda biz elimizdiń eń  arý qalasyna, súıikti Almatymyzǵa  da osyndaı jobany syıǵa tartqanymyz jón dep  sheshtik. Biz jobany kezeńderge bóle otyryp, oǵan shamamen 1 mıllıon dollar jumsaýdy kózdep otyrmyz: jumystardyń bir bóligi bıyl,  bir bóligi – aldaǵy  jyldarda  oryndalatyn bolady.

Aıdyn Rahymbaevtyń aıtýynsha, sheteldik tájirıbe kórsetkendeı,  ekotýrızm qorshaǵan ortaǵa zııan keltirmeıdi, ındýstrııalyq ınfraqurylymdy qajet etpeıdi, qaıta  jańa jumys oryndaryn qamtamasyz etip, óńirlik ekonomıkaǵa jaqsy tabys ákeledi. Uıymdastyrýshylar «Baqyt Soqpaqtaryn» ekologııalyq týrızmdi damytýǵa jáne sporttyq ómir saltyn nasıhattaýǵa strategııalyq ınvestısııa retinde qarastyryp otyr. Joba qalalyq sport belsendileriniń qatysýymen, jumys toby aıasynda pysyqtalýda.

 – BI Group usynǵan joba qalany damytýdyń jalpy tujyrymdamasyna óte  saı keledi. Bizdiń taýlar – búkil Qazaqstannyń qazynasy. Týrısterge qajetti ınfraqurylymdy abattandyryp  qana qoımaı,  olardyń ózine ǵana  tán sulýlyǵyn saqtap qalý  da óte mańyzdy. Biz  «Baqyt Soqpaqtary» osy maqsattarǵa jetý jolyndaǵy  mańyzdy qadam bolatynyna senimdimiz, dep atap ótti Almaty qalasy ákiminiń birinshi orynbasary Erlan Qojaǵapanov.

– Álemdik týrıstik kartada Almatynyń orny anyq  aıqyndalyp, aıshyqtalyp keledi.  Búgingi  kezeń – týrıstik ındýstrııada  jahandyq ózgerister kezeńi. Post-vırýstyq kezeńde jańa baǵyttar, jańa ónimder suranysqa ıe bolady. Sarapshylar sporttyq jáne salaýatty ómir saltyna baılanysty shytyrman oqıǵaly týrızmge suranys artady dep boljap otyr. Osyǵan baılanysty kóptegen jyldar boıy sportshylar arasynda tanymal bolyp kele jatqan bizdiń taýlarymyz orasan zor áleýetke ıe, – dedi  Almaty qalasy ákimdiginiń Týrızm basqarmasynyń basshysy Sábına Amankeldi.

«Sońǵy jyldary biz almatylyqtar arasynda  taý sportyna degen qyzyǵýshylyqtyń  kúrt artqanyn  baıqap otyrmyz. Taýda sheteldik týrısterdi de jıi kezdestirýge bolady. Bizdiń taýlarymyz  sportty damytýdyń halyqaralyq ortalyqtarynyń biri bolýǵa ábden  laıyq», – deıdi alpınızm boıynsha sport sheberi Andreı Pýchının. Onyń bul tujyrymymen  Qazaqstannyń elordasynda trıatlonnan marafon men jarystar ótkizýdiń  belsendi de dara  uıymdastyrýshysy Alekseı Sıdorenko da kelisedi.

A.Sıdorenko: «qazaqstandyq BI Marathon jáne BI Ironman halyqaralyq tanymaldylyqqa ıe. Almaty jobasy shahar ekonomıkasynyń damýyna  jańa serpin beredi, qala turǵyndarynyń  sporttyq ómir saltyna uıysýyn kúsheıte túsedi», – degen senimde.

 

 

ALMATY

Sońǵy jańalyqtar

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar