Aımaqtar • 29 Mamyr, 2020

Shymkentte qoǵamdyq kólikter shildeden bastap elektrondyq tólem júıesine kóshpek

81 ret kórsetildi

Búgin aqparattyq-kommýnıkasııalyq ortalyǵynda Shymkent qalasy ákiminiń orynbasary Maqsut Isahov, «Shymkent» ÁKK ýrbanıstıka departamentiniń dırektory Jeńis Jalbyr jáne «QazSmartTrans» JShS-i dırektory Serjan Aqylbaevtyń qatysýymen «Jolaýshylardy tasymaldaý salasyn reformalaý» taqyrybynda onlaın-brıfıng ótti. 

Brrfıng barysynda eń alǵash sóz alǵan ákim orynbasary qalamyzdaǵy qoǵamdyq kóliktiń jumysyn jaqsartý maqsatynda osy jyl ishinde qoldanystaǵy marshrýttar jelisi jańartylyp, jolaýshylar kóligin damytýdyń keshendi shemasy ázirlenetinin aıtty. 

– Shemany ázirleýdi «City Transportation Systems Transport» (Astana LRT) JShS-i júzege asyrady. Al qoǵamdyq kólikti jan-jaqty modernızasııalaý, qorshaǵan ortany qurý, jolaýshylardy tasymaldaý qyzmetin jaqsartý, qaýipsizdikti qamtamasyz etý, barlyq joldy paıdalanýshylar úshin qolaıly kóliktiń qyzmet etý merzimin saqtaý jáne kóliktiń utqyrlyǵyn qurý boıynsha aýqymdy jumystar iske asty. Bul jumystar barysynda «Online» rejıminde qala turǵyndarynyń 21 myńynan saýalnama júrgizilip, 75%-y qoǵamdyq kólikti modernızasııalaýdy talap etetini aıqyn boldy. Atap aıtsaq, jolaýshylar qoǵamdyq kólikterdiń baǵyttary ózgerýin, qyzmet kórsetý sapasy jaqsarýyn jáne avtobýstardy jańartýdy qalaıtyndyqtaryn jetkizdi» – dedi, Maqsut Isahov.

Budan bólek, qala ákiminiń orynbasary zertteý men taldaýdy eskere otyryp, tómendegiler konsepsııamen qarastyrylatynyn tilge tıek etti.

Atap ótsek:

– Qoldanystaǵy baǵyttardy ońtaılandyrý jáne jańa baǵyttardyń ashylýy; 

– Jyljymaly quramnyń tolyq jańartylýy;

– Transporttyq HAB-tardy uıymdastyrý;  

– Shet jerden kelip-ketetin, radıaldy, magıstraldyq baǵyttardy ashý.  

Atalǵan brıfıng kezinde Maqsut Pernebaıuly reforma jaıly jan-jaqty túsindirip, bul ózgerister halyqtyń ótinishimen, qaladaǵy qoǵamdyq kólik jumysy barysyndaǵy kemshilikterdi joıý úshin jasalyp jatqanyn basa aıtyp ótti.

Brıfıngte belgili bolǵandaı, basty reformanyń biri – qaladaǵy qoǵamdyq kólikterge elektrondyq bılettendirý júıesin engizý. Bul reforma «QazSmartTrans» JShS-niń jeke ınvestısııalary esebinen júzege asyrylady. Júıeni osy jyldyń shilde aıynda paıdalanýǵa berý josparlanýda.

Shıratyp aıtsaq, kólik kartasynyń baǵasy – 500 teńge. Kartalardyń 4 túri bar. Olar – jalpy paıdalanatyn karta, oqýshylardyń kartasy, stýdenttik karta jáne tegin júrý kartasy. Al atalǵan júıeni qolǵa alǵan «QazSmartTrans» JShS-si tarapynan kólik kartasy Uly Otan Soǵysy ardagerleri men múgedekterine, tyl eńbekkerlerine («Eren eńbegi úshin medalimen» marapattalǵandar), «Batyr ana», «Altyn alqa», «Kúmis alqa» tósbelgilerimen marapattalǵandar jáne I-toptaǵy kórý qabileti nashar zaǵıp jandarǵa tegin taratylady.  

Brıfıngte «Shymkent» ÁKK ýrbanıstıka departamentiniń dırektory Jeńis Qýandyquly jáne «QazSmartTrans» JShS-i dırektory Serjan Zııabekuly jańa ózgerister tóńireginde sóz qozǵap, arnaıy karta arqyly qalaı tólem jasalatyny jaıly túsindirildi. Iаǵnı, jolaýshylar kólik kartasymen SMS, QR-kod, smartfondy (NFC) qoldana otyryp, jol júrý aqysyn tóleıdi. Osy rette aldaǵy ýaqytta bul júıe bilim ordasyna da engizilip, oqýshylar mektep ashanalarynda kólik kartasymen tóleý múmkindigi qarastyrylyp jatqanyn aıta ketken jón. 

Jıyn sońynda BAQ ókilderi tarapynan suraqtar qoıylyp, jan-jaqty jaýap berildi.

 
Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar