Aımaqtar • 29 Mamyr, 2020

Maqtaaral: О́rgebasta úıler salyna bastady

27 ret kórsetildi

Maqtaaral aýdanyndaǵy topan sý basqan Jańajol aýyl okrýgine qarasty  О́rgebas aýylynda alǵashqy úıdiń qabyrǵasy qalanyp,  úsh baspananyń irgetasyn quıý jumystary bastaldy.

Aýyl okrýginiń ákimi Moldabek Bıtemirovtiń aıtýynsha, jalpy О́rgebas aýylynda 189 úı bar. Sonyń búginde 138-iniń ıesine Úkimet tarapynan 17 mln teńgeniń 50 paıyzy ıaǵnı, 8,5 mln teńgesi tolyq aýdarylǵan. Qazirgi ýaqytta munda 162 úıdi buzý jáne  45 baspananyń irgetasyn quıý jumystaryna daıyndyq júrgizilýde. О́rgebas aýylynan óz úıiniń qurylysyn alǵash bop bastaǵandardyń biri – Kamal Saparov. Búginde ol úıiniń qabyrǵasyn jartylaı kóterip úlgergen. «Úkimetimizge raqmet, ýáde etken 17 mln teńgeniń 8,5 mln. teńgesin berdi. Sol qarjyǵa qurylys materıaldaryn satyp alyp, jumystardy bastap jiberdik. Barlyq qajetti kómekter berilýde. Tek endi bizge qurylysshylar qajettiligi týyndaýda. Aqshasyn kelisip, jumys usyna alamyz. Úı salýshylar jergilikti ózimizdiń aýdannan bolsa, tipti jaqsy bolar edi», deıdi Kamal Saparov.

Budan bólek, aýyldy kúl-qoqystan tazartý, úı buzý, aýla tazalaý jumystary da qarqyndy jalǵasýda. Bul jumystarǵa 175 adam men 6 arnaıy tehnıka tartylǵan.

 

 

Túrkistan oblysy

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar