Aımaqtar • 29 Mamyr, 2020

Nur-Sultanda balalardy qorǵaý kúni onlaın rejımde ótedi

20 ret kórsetildi

Merekelik josparda mektep jasyndaǵy balalarǵa arnalǵan ınternet baıqaýlar, aksııalar, chellendjder bar, dep habarlaıdy elorda ákimdiginiń resmı saıty.

Qalalyq bilim basqarmasynda balalardyń merekesi qalaı ótetini týraly aıtyldy.

1 maýsymda «Barlyǵy balalar úshin» atty respýblıkalyq aksııa ótedi. Atalǵan shara #NS_balalarkuni_bilim heshtegi boıynsha onlaın formatta uıymdastyrylady.

Budan bólek, Halyqaralyq balalardy qorǵaý kúni aıasynda bilim berý uıymdarynda qashyqtan oqytý baǵdarlamasy kezinde mektep jasyndaǵy balalarǵa arnalǵan ınternet baıqaýlar, aksııalar, chellendjderdi qamtıtyn is-sharalar jospary ázirlendi. Internettegi derekkózge silteme jasaı otyryp barlyǵy 65 shara ótkizý kózdelgen.

Instagram jelisinde kúni boıy balalar pıshology, ishki ister organdarynyń ókilderi, bilim salasynyń mamandary, zańgerler jáne ÚEU qatysýymen tikeleı efır ótedi. Onda ata-analar men balalar qajetti keńes pen quqyqtyq kómek ala alady.

Qıyn jaǵdaıǵa tap bolǵan balalardy qoldaý ortalyǵy jáne «SOS Detskaıa derevnıa Astana» balalar úıiniń tárbıelenýshilerine arnalǵan merekelik baǵdarlama qoıylady: «Svetık-semısvetık» konserttik baǵdarlamasy, «Svetochnyı perepoloh» shyǵarmashylyq baıqaýy (kostıýmder defılesi, balalar jasaǵan florıstıkalyq óner kórsetilimi), ıntellektýaldy jarys, «Kartınany boıa» baıqaýy, asfaltta sýret salý jarysy, sporttyq jarystar men kóńildi oıyndar, avtograf PARTY jáne fotossesııa, sondaı-aq balalarǵa arnalyp dastarhan jaıylady. Karantınge baılanysty qonaqtar qatystyrylmaıdy.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar