Qazaqstan • 30 Mamyr, 2020

15 maýsymnan bastap kınoteatrlar ashylady

141 ret kórsetildi

15 maýsymnan bastap sanıtarlyq talaptardy saqtaǵan jaǵdaıda kınoteatrlardyń jumysy qaıta qalpyna keltiriletin bolady. Bul týraly Premer-Mınıstrdiń baspasóz qyzmeti habarlady.

Keshe Premer-Mınıstrdiń orynbasary Eraly Toǵjanovtyń tóraǵalyǵymen Koronavırýstyń taralýyna jol bermeý jónindegi vedomstvoaralyq komıssııa halyq pen memlekettik organdardyń usynystaryn eskere otyryp, elimizde shekteý sharalaryn tómendetý boıynsha qosymsha sheshimder qabyldady.

2020 jylǵy 1 maýsymnan bastap:

1) О́ńiraralyq blok-beketter alynady. Bas memlekettik sanıtarlyq dárigerler men óńirler ákimdikteriniń sheshimi boıynsha koronavırýstyń taralý oshaǵy bar aımaqtarda jergilikti blok-beketter saqtalýy múmkin.

2) Qazaqstannyń oblys ortalyqtary men iri qalalaryna temir jol tasymaldary, sondaı-aq óńiraralyq avtobýs jolaýshylar tasymaldary qaıta jańǵyrtylady.

Jolaýshylardy tasymaldaý qatań túrde Densaýlyq saqtaý mınıstrliginiń bekitilgen sanıtarlyq talaptaryna sáıkes júzege asyrylady.

Temirjol jáne avtovokzaldarda bekitilgen talaptardyń oryndalýy Ishki ister mınıstrliginiń qyzmetkerleriniń baqylaýynda bolady. 

3) Fıtnes jáne SPA ortalyqtarynyń qyzmeti qaıta jandanady; 

4) Sport jáne mádenıet obektileri kórermensiz jumys isteı bastaıdy.

5) Balalardyń mektepke deıingi mekemeleriniń, qosymsha bilim berý uıymdarynyń (bir topta 15 baladan kóp emes), ǵylymı-zertteý ınstıtýtarynyń jáne ǵylymı ortalyqtardyń jumysy iske qosylady.

2020 jyldyń 15 maýsymynan bastap sanıtarlyq talaptardy saqtaǵan jaǵdaıda kınoteatrlardyń jumysy qaıta qalpyna keltiriletin bolady. 

Sonymen qatar birqatar elderde sanıtarlyq-epıdemıologııalyq jaǵdaıdyń turaqtalýyn eskerýmen, Vedomstvoaralyq komıssııa memlekettik organdarǵa halyqaralyq áýe reısterin kezeń-kezeńmen jańǵyrtý máselesin pysyqtaýdy tapsyrdy (I kezeń aıasynda Ońtústik Koreıamen, Qytaı Halyq Respýblıkasymen, Ázerbaıjanmen; II kezeń aıasynda Birikken Arab Ámirligi, Germanııa, Túrkııa jáne Taılandpen).

Halyqaralyq áýe reısteriniń qaıta ushyryla bastaıtyn kúni memlekettik shekaralardyń ashylýyna jáne sanıtarlyq-epıdemıologııalyq jaǵdaıǵa baılanysty anyqtalatyn bolady.

Birqatar salalar men obektilerdiń jumysqa kirisýin eskere otyryp, Vedomstvoaralyq komıssııa qazaqstandyqtar úshin aýrýdyń aldyn-alý sharalaryn qatań saqtaý qajettiligin eske salady (maska kııý, áleýmettik araqashyqtyqty saqtaý, qarym-qatynasty azaıtý).

Otyrys qorytyndysy boıynsha Premer-Mınıstrdiń orynbasary E. Toǵjanov birqatar naqty tapsyrmalar berdi. 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar