HQO-ǵa barý úshin kezek ýaqytyn 1414 baılanys ortalyǵy nemese nemese egov.kz portalyndaǵy arnaıy servıs jáne egovkzbot2.0 telegram-boty arqyly aldyna ala brondaý qajet. «Azamattarǵa arnalǵan úkimet» memlekettik korporasııasynyń oblys boıynsha fılıalynyń dırektory Azamat Esembulovtyń aıtýynsha, koronavırýs ınfeksııasyn juqtyrý qaýpi áli de bar. «Kezekti aldyn ala brondaý sharalary semeılikter men qyzmetkerlerimizdiń saýlyǵyn qamtamasyz etý maqsatynda jasalǵan.
Sondaı-aq ortalyqtarǵa barǵan kezde maska kııý tártibin saqtaý mańyzdy» deıdi ol. Kompıýteri joq azamattar úshin Semeıde HQO ǵımaratynan tys ózdiginen qyzmet alýǵa arnalǵan 28 egov.kz buryshy ashyldy. Olar qala ákimdiginiń ǵımaratynda, qalalyq kitaphanalarda jáne aýyl ákimdikteriniń ǵımaratynda ornalasqan.
Semeıde basqa uıymdar iske qosylǵannan keıin osyndaı buryshtar sany taǵy ulǵaıatyn bolady. Degenmen, 3 sanattaǵy azamattar, ıaǵnı zeınetkerler, kóp balaly otbasylar jáne múgedekter elektrondyq qyzmetterdi HQO-dan da ala alady. Ár front-ofıste olar úshin jeńildik terezesi jumys isteıdi. Sondaı-aq olar da HQO-ǵa baratyn ýaqytyn aldyn ala brondaýy kerek.
SEMEI
