IQAA reıtıngi jan-jaqty ári akademııalyq belsendilikti, stýdentterdiń úlgerim kórsetkishterin, professorlyq-oqytýshylyq quramnyń jumysyn, sonymen qatar jumys berýshilerdiń bedeli men táýelsiz sarapshylardyń pikirlerin qamtıdy. IQAA-Ranking úshin bastapqy derekterdi ýnıversıtetten alyp, olar ár túrli ádister arqyly taldanady. IQAA aqparattyń bir bóligin ýnıversıtetten tys kózderden suraıdy.
Instıtýsıonaldy reıtıngti esepteý ádistemesi bes komponentke negizdelgen, olardyń úsheýinde Sátbaev ýnıversıteti eń kóp ball jınady. Birinshi komponent ýnıversıtettiń akademııalyq resýrstarynyń sapasyn baǵalaý bolyp tabylady. Ol balldyń jalpy sanynyń 80 paıyzyn quraıdy. Ekinshi komponent - jumys berýshiler men memlekettik organdardyń áleýmettik saýalnamasy negizinde ýnıversıtet qyzmetin baǵalaıdy.
Osy jylǵy zertteýge ýnıversıtette qazirgi ýaqytta oqıtyn stýdentterdi, túlekterdi baǵalaý jáne olardyń jumysqa ornalasý nátıjeleri sııaqty qosymsha kórsetkishter kiredi.
Elektrondyq poshta arqyly júrgizilgen saýalnamaǵa 500-den astam jumys berýshi, 3000 stýdent pen 2000 túlek qatysyp, bul reıtıngte Sátbaev ýnıversıteti eń kóp upaı jınady. Ádistememen siltemede tolyǵyraq tanysýǵa bolady.
Reıtıng qorytyndysymen IQAA-Ranking agentsttiginiń saıtynan tanysýǵa bolady jáne www.egov.kz portalynda jarııalanatyn bolady.
