2013 jylǵy 12 tamyz, Astana qalasy
«Tarıhı-mádenı saraptama júrgizýdiń erejesin bekitý týraly» Qazaqstan Respýblıkasy Mádenıet jáne aqparat mınıstriniń 2007 jylǵy 20 tamyzdaǵy № 219 buıryǵyna ózgerister engizý týraly
«Normatıvtik quqyqtyq aktiler týraly» Qazaqstan Respýblıkasynyń 1998 jylǵy 24 naýryzdaǵy Zańynyń 43-1 babyna sáıkes buıyramyn:
1. «Tarıhı-mádenı saraptama júrgizýdiń erejesin bekitý týraly» Qazaqstan Respýblıkasy Mádenıet jáne aqparat mınıstriniń 2007 jylǵy 20 tamyzdaǵy № 219 buıryǵyna (2007 jylǵy 14 qyrkúıekte Normatıvtik quqyqtyq kesimderdi memlekettik tirkeý tizilimde № 4933 tirkelgen, Qazaqstan Respýblıkasynyń ortalyq atqarýshy jáne ózge memlekettik organdardyń normatıvtik quqyqtyq kesimderiniń Bıýlleteninde 2007 jyl, №10, st. 287 jarııalanǵan) mynadaı ózgerister engizilsin:
kirispe mynadaı redaksııada jazylsyn:
«Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańynyń 19-babynyń 7) tarmaǵyna sáıkes buıyramyn:»;
kórsetilgen buıryqpen bekitilgen Tarıhı-mádenı saraptama júrgizýdiń erejesi osy buıryqpen qosymshaǵa sáıkes jańa redaksııada jazylsyn.
2. Qazaqstan Respýblıkasy Mádenıet jáne aqparat mınıstrliginiń Mádenıet komıteti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) memlekettik tirkeýden ótkennen keıin osy buıryqtyń buqaralyq aqparat quraldarynda resmı jarııalanýyn;
3) osy buıryqty Qazaqstan Respýblıkasy Mádenıet jáne aqparat mınıstrliginiń ınternet-resýrsynda ornalastyrýdy qamtamasyz etsin.
4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr M. Qul-Muhammed.
Qazaqstan Respýblıkasy Mádenıet jáne aqparat mınıstriniń
2013 jylǵy 8 tamyzdaǵy №187 buıryǵyna qosymsha
Qazaqstan Respýblıkasy Mádenıet jáne aqparat mınıstriniń
2007 jylǵy 20 tamyzdaǵy № 219 buıryǵymen bekitilgen
Tarıhı-mádenı saraptama júrgizýdiń erejesi
1. Jalpy ereje
1. Osy tarıhı - mádenı saraptama júrgizýdiń erejesi (budan ári - Ereje) «Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasy Zańynyń 19-baby 7) tarmaqshasyna sáıkes ázirlengen jáne tarıhı-mádenı mura obektilerine tarıhı-mádenı saraptama júrgizýdiń tártibin aıqyndaıdy.
2. Tarıhı-mádenı saraptama (budan ári - saraptama) mádenı-mura obektisiniń tarıhı-mádenı mańyzyn jáne saqtalý deńgeıin belgileý maqsatynda júrgiziledi.
3. Halyqaralyq jáne respýblıkalyq mańyzy bar tarıh jáne mádenıet eskertkishterine saraptamanyń júrgizilýin tarıhı-mádenı mura obektilerin qorǵaý jáne paıdalaný jónindegi ýákiletti organ (budan ári - ýákiletti organ) qamtamasyz etedi.
4. Tarıhı-mádenı mura obektilerine nemese jergilikti mańyzy bar tarıh jáne mádenıet eskertkishterine saraptamanyń júrgizilýin qamtamasyz etýdi oblystyń (respýblıkalyq mańyzy bar qalanyń, astananyń) jergilikti atqarýshy organy (budan ári - jergilikti atqarýshy organ) qamtamasyz etedi.
2. Tarıhı-mádenı saraptama júrgizýdiń tártibi
5. Tarıhı-mádenı mura obektilerine nemese tarıh jáne mádenıet eskertkishterine saraptama ýákiletti organnyń nemese jergilikti atqarýshy organnyń sheshimi negizinde tarıh jáne mádenıet eskertkishterinde arheologııalyq jáne (nemese) ǵylymı-jańǵyrtý jumystaryn júrgizý lısenzııasy bar sarapshyny (sarapshylardy) saraptamalyq jumysty oryndaý shartyn jasaý arqyly júrgiziledi.
Saraptamany birneshe mekeme nemese sarapshy júrgizgen jaǵdaıda saraptamalyq jumysty oryndaý sharty árqaısysymen jasalady.
6. Ýákiletti organ nemese jergilikti atqarýshy organ sarapshyǵa (sarapshylarǵa) mynadaı materıaldar usynady:
1) tarıhı-mádenı mura obektisine tarıh jáne mádenıet eskertkishi mártebesin berý maqsatynda:
sıpattamasy, ornatylǵan ýaqyty mazmundalǵan málimet;
tarıhı-mádenı mura obektisiniń fotosýreti;
2) tarıh jáne mádenıet eskertkishi mártebesinen aıyrý maqsatynda;
tarıh jáne mádenıet eskertkishiniń tólqujaty, esep kartochkasy;
tarıh jáne mádenıet eskertkishiniń qorǵaý mindettemesi;
3) tarıh jáne mádenıet eskertkishteriniń ornyn aýystyrýǵa jáne olardy ózgertý maqsatynda:
tarıh jáne mádenıet eskertkishiniń tólqujaty;
tarıh jáne mádenıet eskertkishiniń qorǵaý mindettemesi;
tarıhı-mádenı mura obektisiniń fotosýreti.
7. Saraptama sarapshyǵa (sarapshylarǵa) materıaldardy usynǵan kúninen bastap otyz kúntizbelik kúnnen aspaıtyn, shartta kórsetilgen merzimde júrgiziledi.
Saraptamany júrgizý úshin qosymsha materıaldar men aqparatty zerdeleý qajet bolǵan kezde saraptama júrgizýdiń shartta kórsetilgen merzimi mekemeniń nemese sarapshynyń jazbasha usynymy negizinde otyz kúntizbelik kúnge uzartylady.
8. Ýákiletti organ jáne jergilikti atqarýshy organ múddeli memlekettik organdarǵa jáne basqa uıymdarǵa suraý salýlar jiberý jolymen sarapshyǵa (sarapshylarǵa) qosymsha materıaldar men aqparat alýǵa járdem kórsetedi.
9. Saraptama júrgizý kezinde mekeme (sarapshy):
1) Qazaqstan Respýblıkasynyń zańnamasyn, ýákiletti organ nemese jergilikti atqarýshy organmen jasalǵan sharttyń talaptaryn saqtaıdy;
2) tarıhı-mádenı mura obektisiniń nemese tarıh jáne mádenıet eskertkishteriniń ornyna baryp, tikeleı qaraýdy júzege asyrady;
3) saraptama júrgizý úshin usynylǵan saraptama obektisi, materıaldar men aqparattar týraly málimetterdi jarııa etpeıdi, sondaı-aq, olarǵa kópshilikte baǵa berýde qalys qalady.
10. Saraptama júrgizý múmkin bolmaǵan jaǵdaıda, sondaı-aq, ony júrgizýge kedergi keltiretin jaǵdaılar týyndaǵanda, osy jaǵdaı málim bolǵan kezden bastap úsh kún ishinde mekeme (sarapshy) ýákiletti nemese jergilikti atqarýshy organdy habardar etedi.
11. Júrgizilgen saraptamanyń nátıjeleri boıynsha saraptama júrgizýdiń mánine mekemeniń (sarapshylardyń) dáleldi, ǵylymı negizdelgen, obektıvti jáne tolyq tujyrymdary qamtylǵan saraptamalyq qorytyndy jasalady.
12. Saraptamalyq qorytyndy saraptama júrgizgen uıymnyń fırmalyq blankisinde memlekettik jáne orys tilderinde eki danada jasalady, al saraptamany jeke tulǵa júrgizgen jaǵdaıda qorytyndyda onyń tegi, aty, ákesiniń aty (eger bar bolsa) jáne onyń quzyrettiligin kórsetetin derekter, sondaı-aq, qoly kórsetiledi.
13. Saraptamalyq qorytyndy usynymdyq sıpatqa ıe.
14. Saraptamalyq qorytyndyda mynalar kórsetilýi tıis:
1) saraptama júrgizgen mekeme nemese tulǵa, lısenzııa nómiri jáne onyń berilgen merzimi;
2) saraptama júrgizilgen ǵylymnyń salasy;
3) saraptamanyń máni men maqsattary;
4) saraptama obektisiniń ataýy;
5) saraptama obektisiniń belgilenýi;
6) qoıylǵan suraqtarǵa negizdelgen jáne tolyq jaýap.
15. Saraptama qorytyndysynda saraptama obektisi týraly qosymsha málimetter kórsetilýi múmkin.
16. Mekeme (sarapshy) júrgizilgen saraptama nátıjesi boıynsha:
1) obektige tarıh jáne mádenıet eskertkishi mártebesin berý nemese bermeý týraly;
2) obektiniń tarıh jáne mádenıet eskertkishi mártebesinen aıyrý nemese aıyrmaý týraly;
3) tarıh jáne mádenıet eskertkishteriniń ornyn aýystyrýǵa jáne (nemese) olardy ózgertýge nemese aýystyrmaýǵa jáne (nemese) olardy ózgertpeýge qorytyndy beredi.
Buıryq Qazaqstan Respýblıkasynyń Ádilet mınıstrliginde 2013 jylǵy 13 qyrkúıekte Normatıvtik quqyqtyq kelisimderdi memlekettik tirkeýdiń tizilimine №8705 bolyp engizildi.
