«Karantın ýaqyty elordanyń azyq-túlik qaýipsizdigi birinshi orynda ekenin kórsetti. Blok-beketterde alǵashqy kúnnen bastap azyq-túlik tasymaldaý úshin «jasyl dáliz» uıymdastyryldy. Alaıda qalaǵa ónimdi tek ákelip ǵana qoımaı, ony tıisti deńgeıde saqtaý qajet. Qala aýmaǵynda 7 logıstıkalyq keshen jumys isteıdi, qazir tórt kóterme-taratý ortalyǵynyń qurylysyn júrgizip jatyrmyz (úsheýi jeke ınvestorlar esebinen). Bul ónim kólemin arttyrýǵa, áleýmettik mańyzy bar azyq-túlik baǵasyn ustap turýǵa múmkindik beredi.
Sonymen qatar, memleket basshylyǵynyń tapsyrmasyna sáıkes «qarapaıym zattardyń ekonomıkasyn» damytýǵa erekshe kóńil bólemiz. Baǵdarlama iske qosylǵan sátten bastap (2019 jyl) 16 joba qoldaý tapty, taǵy 40-qa jýyq kásiporyn jobaǵa qatysýǵa nıet bildirip otyr. Olar ónerkásip, saýda jáne logıstıka, bilim berý, densaýlyq saqtaý salalarymen tyǵyz baılanysty kásiporyndar. Ár joba boıynsha naqty jumys júrgizemiz",- dedi qala ákimi Altaı Kólginov.
Investısııa máseleleri boıynsha keńes onlaın-rejımde júrgizilip, ınvestorlarǵa ákimdik tarapynan qajet kómek kórsetiledi. О́ńirlik keńeste jeke ınvestısııanyń jalpy somasy 770 mlrd teńgege 60-tan astam joba qoldaý tapty, sonymen qatar 34 joba boıynsha jumystar atqarylyp jatyr.
Jańa erejelerdi eskere otyryp, ákimdik mindetterdi iske asyrý tásilin qaıta qarady. Jergilikti bıýdjetti ońtaılandyrý 35 mlrd teńgeni qurady. Únemdelgen qarajat áleýmettik salany qarjylandyrýǵa baǵyttaldy: apatty turǵyn úılerdi súrý, joldardyń, aýlalardyń qurylysy, medısınalyq jabdyqtar satyp alý, áleýmettik kómek kólemin arttyrý jáne t. b. qamtylady.
