«Respýblıkada muǵalimniń kásibı qyzmetin júzege asyrý úshin jaǵdaılardy qamtamasyz etetin erekshe mártebesi tanylady. Mektepke kelgen jas pedagogqa bir oqý jyly kezeńinde pedagog-tálimger bekitiledi jáne oǵan qosymsha aqy tólenedi. Zańmen pedagogtiń mektepke deıingi bilim berý uıymdarynda oryn berý, jumys orny boıynsha saılaý jáne saılanbaly qyzmet atqarý, barlyq er-pedagogtardy, sonyń ishinde qala mektepterin áskerı qyzmetke shaqyrýdy keıinge qaldyrý bóliginde quqyqtary keńeıtildi», – dedi B. Kóptileýova.
Onyń aıtýynsha, 1 sáýirden bastap departament pedagogtardy olardyń qyzmetine tán emes jumystarǵa tartý jáne qosymsha eseptilikti talap etý boıynsha monıtorıng júrgizedi.
«Osy maqsatta biz kásibı mindettermen baılanysty emes jumys túrlerine pedagogtardy tartýǵa jol bermeý boıynsha aqparattyq-túsindirý júrgizemiz. Buzýshylyq faktileri anyqtalǵan jaǵdaıda tıisti tártiptik yqpal etý sharalary kózdelgen. Osyndaı faktiler boıynsha pedagogtar bizdiń departamentke habarlasa alady», – dep atap ótti B.Kóptileýova.
Sonymen qatar 14 naýryzdan bastap 39 kolledjdi qamtıtyn kolledj stýdentterine qashyqtan oqytý tehnologııalaryna qoljetimdiliktiń bolýyna monıtorıng júrgizildi. Monıtorıng qorytyndysy boıynsha barlyq kolledjderde stýdentterdi qashyqtan oqytýǵa aýystyrylǵany, keıbir kolledjderde qashyqtan oqytý tehnologııalaryna qoljetimdiliktiń joqtyǵy, ınternet jyldamdyǵynyń tómendigi faktileri anyqtaldy. Búginde bul máseleler sheshildi.
«Biz kún saıyn saıttar men áleýmettik jelilerden, call-ortalyqtardan, telefon arqyly júginýlerden qalanyń bilim salasyna qatysty aqparatty anyqtaımyz. Tártip buzýshylyq faktilerin jergilikti atqarýshy jáne memlekettik organdardyń qatysýymen shuǵyl qarastyramyz jáne dereý kómek kórsetý boıynsha sharalar qoldanamyz», – dep atap ótti departament basshysy.
