Aımaqtar • 29 Mamyr, 2020

Tuńǵysh ret Ulttyq ulan sarbazdary úılerine ushaqpen qaıtty

19 ret kórsetildi

QR Ulttyq ulany 5573 áskerı bóliminde áskerı boryshyn atqarǵan sarbazdar 33 oryndyq AN-26 ushaǵymen birinshi ret úılerine ketti. Bul týraly Ulttyq ulannyń baspasóz qyzmeti habarlady.

Ishki ister mınıstrligimen kelise otyryp, 2019 jyldyń kókteminde Jambyl oblysynan shaqyrylǵan 27 sarbaz ushaqpen Taraz qalasyna jetkizildi. Úlgili-kórsetimdi orkestrdiń súıemeldeýimen 5573 áskerı bóliminde saltanatty túrde sap túzegen sarbazdardy áskerı bólim bastyǵy polkovnık Sákentaı Shekarbekov aq jol tilep, Otan aldyndaǵy azamattyq mindetin adal atqarǵandary úshin alǵysyn bildirip, joldaǵy saqtyq sharalaryn oryndaýlaryn tapsyrdy.

Áýejaıǵa jetken kezde sarbazdarǵa 5573 áskerı bóliminiń tárbıe jáne áleýmettik-quqyqtyq jumystar jónindegi orynbasary podpolkovnık Erlik Yqylasov bólim bastyǵynyń atynan alǵys hattardy tabystady.

Sarbazdar áskerı boryshyn oryndaý ýaqyt aralyǵynda ómirge degen kózqarastaryn ózgertip, jańa bir deńgeıdi baǵyndyrdy deýge bolady. Sondaı-aq, qyzmet barysynda dabyl berýshi, aspazshy, qarý-jaraq jóndeý sheberi, qorǵanys mamany jáne áskerı atys polıgonynyń operatory sııaqty mamandyqtardy ıgerdi. Jalpy alyp qaraıtyn bolsaq, sońǵy 5 jylda Ulttyq ulanǵa áskerı boryshyn óteýge shaqyrtý alǵan 5 myńnan astam jaýynger áskerdiń oqý quramasynda oqyp, qyzmettiń túrli mamandyqtaryn ıgerip shyqty. Olardyń birshamasy kúni búgin áskerı kúshtik qurylymdarda qyzmet atqaryp keledi.

Sonymen qatar, bólim bastyǵynyń sheshimimen ishki ister organdarynda qyzmet etýdi qalaıtyndarǵa usynys hattar beriledi.

Aıta ketetin jaıt, jyl saıyn respýblıkanyń barlyq aımaqtarynan jas jigitter elordanyń jedel brıgadasyna Otandy qorǵaý azamattyq mindetin oryndaýǵa shaqyrylady. Nur-Sultan qalasyndaǵy áskerı qyzmet bizdiń azamattarymyzdyń quqyqtary men bostandyqtaryn qorǵaýda, olardy qylmystyq jáne basqa da zańsyz qol suǵýlardan qorǵaýda úlken jaýapkershilik júkteıdi.

Eske salatyn bolsaq, Ulttyq ulannyń 5573 áskerı bóliminiń 1-2019 áskerı qyzmetshileri eldegi tótenshe jaǵdaı men karantındik sharalarda ózderi úshin jáne tutas alǵanda memleket úshin qoǵamdyq tártipti saqtaý qyzmetin júzege asyrdy.

Nur-Sultan qalasynda ornalasqan 5573 áskerı bólimi kún saıyn elordanyń 4 aýdanynda, keıde úsh aýysymda áskerı qyzmetke 1200-ge jýyq áskerı qyzmetshini bóledi. Olarmen birge ofıserler men kelisimshart boıynsha áskerı qyzmetshiler de bar.

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Jambyl oblysynda dinı ahýal turaqty

Aımaqtar • Búgin, 09:45

Uqsas jańalyqtar