Medısına • 31 Mamyr, 2020

Densaýlyq saqtaý salasynyń aldaǵy besjyldyqqa arnalǵan baǵdarlamasy tanystyryldy

55 ret kórsetildi

Qazaqstannyń densaýlyq saqtaý salasyn damytýdyń 2020 jyldyń 1 toqsanyndaǵy memlekettik baǵdarlamasyn júzege asyrýǵa arnalǵan QR Densaýlyq saqtaý mınıstrligi alqa májilisiniń ekinshi otyrysy onlaın rejımde ótti.

Onlaın otyrysqa 900-den asa jerden qosyldy: QR Parlamentiniń depýtattary, Alqa májilisi men Qoǵamdyq keńestiń músheleri, barlyq óńirlerdiń densaýlyq saqtaý basqarma basshylary, vedomstvoǵa qarasty uıymdar men aýmaqtyq departamentterdiń basshylary, QR medısınalyq uıymdarynyń bas dárigerleri.

 Densaýlyq saqtaý mınıstrligi Alqa májilisiniń seksııalyq sessııalarynda medısınalyq kómektiń sapasy men qoljetimdiligin arttyrý, sondaı-aq otandyq densaýlyq saqtaý júıesin odan ári turaqty damytý máseleleri qaraldy.

 Densaýlyq saqtaý júıesin kadrlyq qamtamasyz etý jáne medısınalyq bilim berý deńgeıi qyzý talqyǵa tústi.

 Qazirgi ýaqytta barlyq vedomstvolardy qosa eseptegende densaýlyq saqtaý júıesinde 250 myńnan asa medısına qyzmetkeri jumys isteıdi. О́tken jylmen salystyrǵanda bul kórsetkish orta eseppen 2% - ǵa ósti. Dese de aýyldyq jerlerde qalamen salystyrǵanda kadrlyq resýrstardyń teńgerimsizdigi saqtalýda.

Atalǵan máselelerdi sheshý úshin mamandardyń biliktiligin arttyrý, olardy densaýlyq saqtaý salasynyń praktıkalyq qajettiligine saı mamandyqtar boıynsha qaıta kvalıfıkasııalaý júrgizilýde.

«Densaýlyq saqtaý qyzmetkerlerin yntalandyrý men bedelin arttyrý úshin densaýlyq týraly Kodeks jobasyna jergilikti organdardyń jas dárigerlerdi áleýmettik qoldaýdaǵy jaýapkershilik normalary men biliktilik deńgeıine sáıkes densaýlyq saqtaý qyzmetkerleriniń eńbekaqy tóleýge qatysty kepildikter engizildi. Sonymen qatar, Memleket basshysynyń tapsyrmasyna sáıkes 2023 jylǵa qaraı densaýlyq saqtaý salasy qyzmetkerleriniń jalaqysyn ekonomıkadaǵy ortasha jalaqydan 2,5 ese arttyrýdy qamtamasyz etý men áleýmettik qoldaý sharalaryn kúsheıtý josparlanýda».

Medısınalyq qyzmetterdiń sapasyn arttyrý elektrondyq densaýlyq saqtaý salasyn damytýdy jáne qaǵazsyz qujat aınalymyna kóshýdi talap etedi. Densaýlyq saqtaý mınıstrligi Medısınalyq aqparattyq júıelerdi kezeń-kezeńimen engizý boıynsha jumystardy jalǵastyrýda. Qazirgi ýaqytta 85% memlekettik jáne 98% jeke menshik medısınalyq uıymǵa medısınalyq aqparattyq júıeler engizildi.

 QR Densaýlyq saqtaý mınıstri Eljan Birtanov Alqa májilisi otyrysyn qorytyndylaı kele, otandyq densaýlyq saqtaý júıesin kúsheıtý qajettigin atap ótti. Mınıstr koronavırýs pandemııasy bizdiń júıe úshin tekseris bolǵanyn, qazir qazaqstandyqtar úshin BMSK deńgeıinde medısınalyq qyzmetterdiń sapasy men qoljetimdiligin arttyrý úshin barlyq kúsh-jigerdi baǵyttaý kerek ekenin aıtty. Qazaqstannyń densaýlyq saqtaý júıesi árdaıym jańa syn-qaterlerge daıyn bolýy tıis.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar