Aımaqtar • 31 Mamyr, 2020

Qaraǵandy: NIS túlegi UNIST grantyn jeńip aldy

14 ret kórsetildi

Kenshiler astanasyndaǵy Nazarbaev Zııatkerlik mektebiniń (NIS) túlegi Jánııa Smaǵulova óziniń ómirindegi alǵashqy iri jeńisteriniń birine qol jetkizdi. Daryndy jas Azııanyń úzdik joǵary oqý oryndary – Ońtústik Koreıadaǵy Ýlsan ulttyq ǵylym jáne tehnologııa ýnıversıteti men Gonkongtegi Qytaı ýnıversıtetiniń tolyq grantyna ıe boldy.

Tańdaý erki ózine buıyrǵan Jánııa Smaǵulova Ýlsan ulttyq ǵylym jáne tehnologııa ýnıversıtetinde (UNIST) bilim alýdy qup kóripti. Negizi 2009 jyly qalanǵanyna qaramastan, atalǵan bilim ordasy az ǵana ýaqyttyń ishinde álemdik deńgeıdegi oqý oryndarynyń birine aınalyp úlgergen eken. Ýnıversıtet Ońtústik Koreıanyń óndiris astanasy sanalatyn Ýlsan qalasynda ornalasqan.

Atalǵan ýnıversıtetke jyl saıyn shet memleketterden irikteý synynan múdirmeı ótken 40-qa jýyq stýdent qana qabyldanady eken. Jánııa Smaǵulova saıdyń tasyndaı iriktelgen ozattardyń qatarynda bolǵanyn ózi úshin úlken abyroı sanaıdy.

– Oqý orny meniń jan-jaqty damýyma, kreatıvti jáne talantty stýdenttermen birge túrli jobalar jasaýǵa múmkindik beredi dep oılaımyn. Bolashaqta osy salany tereńirek zerttep, elimizdiń ekonomıkasyn órkendetýge at salysqym keledi, – deıdi ol.

Ýnıversıtette Jánııa Smaǵulova halyqaralyq ekonomıka jáne qarjy salasy boıynsha bilim alatyn bolady.

Qaraǵandy oblysy

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar