Kezeń-kezeńimen túrli qyzmet oryndary, kásiporyndar men mekemeler iske qosylýda. Tipti keıbir elder týrıstik maýsymǵa ázirlenip jatyr. Alaıda barlyǵynda saqtyq sharalary qatań saqtalyp otyr. Iаǵnı PTR testileýiniń anyqtamasy, dene qyzýyn ólsheý mindetti túrde qaralady, betperde men antıseptık quraldarynsyz aıaq attap basa almaısyz.
Álbette indet indete jaıylsa da, jahanǵa ortaq bir ýáj – eńbektep jyljysań da erteńge umtyl! Qazaqstan da osy ustanymnan tys qalmaq emes. Elimizde 1 maýsymnan bastap temir jol qatynasy kezeń-kezeńimen qalpyna keltirilmek. Kúre joldardaǵy blok-beketter de alynady. Iаǵnı bul barys-keliske jan bitiretin birden-bir qadam bolǵandyqtan elimizde qozǵalys kóbeıedi. Keıbir jekelegen óńirlerde karantın sharalarynyń sozylǵanyna qaramastan jalpy el aýmaǵynda saýda jáne qyzmet kórsetý oryndary, kásiporyndar jumysyn bastady.
Soıyl kúshin basqa túsken biledi, bul indettiń zardabyn ózi bir aýnap turǵan nemese jaqynyn joǵaltqan jandar túsinedi. Qazaqstanda keshegi indet juqtyrǵandar sany 11 myńǵa jýyqtady. Sáıkesinshe aýyr syrqattan aıyqqandar 5 myńnan asty. Bul da kóńilge medet. Sebepsiz aıaqqa tiken kirmeıtinin umytpaý kerek. Muny qazir halyqtyń kóshede qaýipsizdik sharalaryna nemquraıdy qaraýyna baılanysty aıtyp otyrmyz. Iаǵnı elimizde Memleket basshysynyń sheshimimen karantın sharalarynyń ýaqtyly qabyldanýy qaýiptiń negizgi tolqynyn qaıtarǵanymen, qaýiptiń beti áli qaıtqan joq. Mamandar indettiń kez kelgen ýaqytta órshýin joqqa shyǵarmaıdy.
Bul rette dáriger-ınfeksıonıst Ábýbákir Omarálıev karantın sharalary bosańsýynyń qajetti qadam ekenin, dese de saqtyq sharalaryn sanadan shyǵarýǵa bolmaıtynyn aıtady.
– Biz karantınniń bosańsýyna báribir kelemiz. Iаǵnı jurtshylyq kópten kútken dúnıe. Tótenshe jaǵdaı jarııalanyp, karantın sharalary engizilgennen beri elimizde ártúrli jaǵdaı boldy. Qazaqstanda qazirgi kezde de aýyr háldegi naýqastar bar. Bul vırýsty tasymaldaýshylar áli de kóbeıýi múmkin. Biz olardy anyqtaýdy jalǵastyra beremiz. Aýyr háldegi naýqastar áli de bolyp turady. О́ıtkeni táýekel tobyndaǵy adamdar juqtyrýy múmkin. Biraq bul indettiń basqa syrqatqa qaraǵanda paıyzdyq kórsetkishi tómen. Soǵan qaramastan jeke tazalyqty saqtaýymyz kerek. Aýa arqyly juǵatynyn umytpaý kerek. Qoldy jıi jýyp turý, adamdar kóp shoǵyrlanǵan oryndarda betperdemen júrý nemese ǵımarattyń jeldetilip turýyna nazar aýdarý qajet. Álbette, biz vırýs juqtyrýdy toqtata almaımyz. Degenmen, onyń kólemin azaıtýǵa bolady. Iаǵnı juqtyrýshylar áli de bola beredi. Sondyqtan jeke gıgıenany saqtaýdy qatań saqtaǵan lázim. Karantın bar ma, joq pa, oǵan qaramastan saqtyq sharalaryna beıqam bolmaǵan abzal. Jumys oryndarynda araqashyqtyqty saqtaǵan jón. Ásirese tumaý, jótel belgileri bar adamdarmen baılanysta abaı bolýymyz tıis, – deıdi Á.Omarálıev.
Iá, túrli-túrli zaman bolady, zamanyna qaraı amal bolady, kemeniń arbaǵa minetin de, arbanyń kemege minetin de kezi bolady degen sózderdi babalardyń kókirek kózi kórip aıtqandaı. Kúlli dúnıeni karantın tumshalaǵany indetke qarsy amal emeı nemene? Atalǵan aýrýmen alysqan aq jeleńdi jandardyń ózine de qandaı qater tóngenin kórdik. Memleket tarapynan dárigerlerge de, jumysynan aıyrylǵan, tabyssyz qalǵan azamattarǵa da, bereshegi bar tulǵalar men kásiporyndarǵa da qajetti qoldaý der kezinde kórsetildi.
«Saý bolsa janym, sóz emes dúnıe-malym» degen elmiz ǵoı, endi el ekonomıkasynyń damýyna úles qosatyn halyq eńbekke bel sheshe kirisedi. Áıtse de sanıtarlyq sharalar úıde de, túzde de toqtamaýy tıis. Juǵyn bolatyn jerde shybyn bolatynyn, shybyn bolatyn jerde shyǵyn bolatynyn laıym eskerý kerek-aq.
