«Qazaqstan» teleradıokorporasııasyna qarasty «Balapan» telearnasy úzdik sheteldik mýlthıkaıalardyń telequqyǵymen qosa, ınternet quqyqtaryn satyp alý bastamasyn alǵash bolyp júzege asyryp otyr. Iаǵnı aldaǵy ýaqytta arnadan kórsetiletin sheteldik anımasııalyq jobalar YouTube jelisindegi «BalapanTV» arnasyna salynady. Aıta ketý kerek, buǵan deıin sheteldik jobalardyń dýblıajdalǵan nusqasyn áleýmettik jelilerge salý quqyǵy elimizdegi eshbir arnada bolmaǵan.
Ulttyq arnanyń habarlaýynsha, osy kúnge deıin búldirshinderimiz álemniń ozyq mýltfılmderin YouTube platformasynan basqa tilderde kórip kelse, endi ana tilimizde tamashalaý múmkindigine qol jetkizip otyr. Bul – qazaq tiliniń damýyna yqpal etetin ári ınternet jelisindegi qazaq tilindegi sapaly kontentiniń kóbeıýine serpin beretin mańyzdy bastama. Búginde telearnanyń You tube-tegi jazylýshylarynyń sany bir mıllıonǵa jýyqtaǵan.
1 maýsym – Halyqaralyq balalardy qorǵaý kúnine oraı, búldirshinderge tartý retinde YouTube-taǵy «BalapanTV» kanalyna «Qurastyrýshy Leva» mýltserıalynyń 66 bólimi salyndy. Aldaǵy ýaqytta YouTube-arna «Vısper-1», «Vısper-2», «100% Wolf», «Ańdar dostyǵy», «Kapıtan Sharkı», «Kýng-fý qoıan: ot ámirshisi», «Qanat qaq», «Aıaz atany qutqarý», «Kemedegi oqıǵa» syndy anımasııalyq jobalarmen tolyqtyrylmaq.
