«Meniń oıymsha, bul jıynda álemdegi sońǵy ahýaldardy talqylaýǵa múmkindik bolmaıdy. Qatysýshylar tizimi eskirgen. Iаǵnı jaqyn arada kezdesýdiń esh máni joq», dedi Tramp. AQSh-qa bıylǵy otyrys úshin Kanada, Fransııa, Germanııa, Italııa, Japonııa men Ulybrıtanııa delegasııasy kelýi kerek. Donald Tramp bul tizimge Reseı, Ońtústik Koreıa, Aýstralııa men Úndistan prezıdentterin qosý kerektigin aıtty. Bul Reseıdiń 2014 jyly G8 sammıtinen shyǵyp qalǵannan keıin alǵash ret atalǵan formattaǵy saıası mańyzdy jıynǵa qatysýy bolmaq.
О́tken aptada memleket basshysy pandemııaǵa qaramastan Aq úıde nemese qala syrtyndaǵy rezıdensııasy Camp David-te jınalys ótkizý qajettiligi týraly aıtqan bolatyn. Alaıda Germanııa kansleri Angela Merkel bul shaqyrtýdan bas tartyp, pandemııa men oqshaýlaný sebebinen kele almaıtynyn aıtty. Merkeldiń baspasóz hatshysy «Kansler jaqyn arada jıynǵa jeke ózi qatysa almaıdy, ıaǵnı ol Vashıntonǵa barmaıdy» dep jaýap berdi. Juma kúni Brıtanııa premer-mınıstri Borıs Djonson «Sammıttiń mańyzdylyǵyn eskere otyryp, jaqyn arada otyrysqa jeke qatysa alatynyn» habarlady.
Esterińizde bolsa, G7 sammıtiniń músheleri Covid-19 vırýsyna qatysty ornaǵan karantın saldarynan maýsymda vıdeo-konferensııa arqyly baılanysqa shyǵyp, álemdegi sońǵy ahýaldardy talqylaıtynyn josparlap qoıǵan bolatyn.
