«Tótenshe jaǵdaı kezinde bizdiń tarapymyzdan qabyldanǵan sharalar asyǵys boldy. О́ıtkeni ekonomıka úshin qarajat bólý mańyzdy edi. Al qazir máseleni jan-jaqty saralaýǵa múmkindik bar. Osy rette jeńildetilgen nesıeler baǵdarlamasy bıznes úshin úlken qoldaý. Bul usynysty biz Almaty qalasynyń ákimi Baqytjan Saǵyntaevqa jetkizgen bolatynbyz. Árıne bastapqyda bankter mundaı paıyzben jumys isteıdi degenge kúmán boldy», dedi ol.
Karantın men tótenshe jaǵdaıdyń saldaryn basqalarǵa qaraǵanda kóbirek sezingen eki qalanyń kásipkerleri týrızm, meıramhana jáne qonaq úı bıznesi, tamaqtaný, saýda, qurylys jáne ónerkásip (jeńil jáne óndiris) salalaryndaǵy eń aýyr máselelerdi aıtty. Sondaı-aq kásipkerler qoldanystaǵy nesıelerdi keıinge qaldyrý merzimin úsh aıdan alty aıǵa deıin uzartýdy jáne aınalym kapıtalyn tolyqtyrýǵa jeńildetilgen kepilsiz nesıe alýǵa múmkindik berýdi usyndy.
«Mıkrokredıtterdi kepilsiz berý múmkindigi qarastyrylsa deımiz. Mysaly, óz jaldaýshylarymyz úshin jalǵa alý sharty bolǵan jaǵdaıda kepilger bolý múmkindigi máselesin de qarastyrdyq. Biz eki jyl merzimge 5 mln teńge kólemindegi somany qarap kórdik. Eger múmkindik bolsa, jalǵa alýshylarǵa qoldaý kórsetýdi suraımyz», dep atap ótti «Tıgrohaýd fırmasy» JShS dırektory Janar Qorabaeva.
Sonymen birge basqosý barysynda elordalyq qurylysshylardy alańdatqan máseleler talqylandy. Olar halyqtyń satyp alý belsendiliginiń tómendegenin aıta kele, salynyp jatqan qurylystardyń toqtap qalmaýyna múmkindik jasaýdy surady. «Global Expert Development Group» JShS dırektory Abzal Saǵymbaevtyń aıtýynsha, qazirgi tańda qurylys salasy elordada belsendi jumys isteýde, sebebi jaz maýsymy bastalǵan kezeńde qurylys qarqyn alady, tıisinshe qyzmetkerler sany boıynsha ózgerister baıqalmaıtynyn atap ótti. Sondaı-aq bastalǵan nysandar ǵana salynyp jatyr, jańa jobalar áli toqtap turǵany sóz boldy.
«Negizgi áser etýshi faktor – devalvasııa jáne daıyn turǵyn úıdi odan ári satý. Búgingi tańda 100 myńnan astam adam elordanyń qurylys salasynda jumys isteıdi. Úlken másele – bul halyqtyń tólem qabileti jáne sáıkesinshe satý prosesi. Qurylys ındýstrııasyn qoldaý úshin biz turǵyndar arasynda satý men ótimdilikti arttyrý maqsatynda qaıtalama naryq úshin ıpoteka baǵdarlamalaryn ázirleýdi usynamyz. Sondaı-aq biz EQTJS-nyń tizimin keńeıtý qajet dep sanaımyz, bul qurylys salasyn jalaqy qorynan eseptelgen salyqtar men basqa da mindetti tólemderden bosatýǵa qatysty», dedi Abzal Saǵymbaev.
Kezdesý sońynda Almaty jáne Nur-Sultan qalalarynyń kásipkerlerin mazalaǵan máseleler qaıta qaralatyny belgili boldy. Qolda bar aqparatqa súıene otyryp, «Atameken» úkimetke bıznesti qoldaý sharalarynyń taǵy bir paketin ázirlemek.
T.Qulybaev óz kezeginde jumyspen qamtý ulttyq palata úshin basymdyq bolyp qala beretinin atap ótti. Demek qoldaý sharalarynyń negizgi transhy karantınnen keıingi kezeńde jumys oryndaryn saqtaýǵa daıyn kásiporyndarǵa baǵyttalady.
«Memleket kásipkerlikti qoldaýǵa aqsha bóledi. Bizdiń mindetimiz – bul qarajatty bızneske tartý. Jalpy, negizgi maqsat jumyspen qamtýdy baqylaýǵa baǵyttalady dep sanaımyn. «Atamekenniń» ustanymy – karantınge deıin jumys istegen kásiporyndardy qoldaý dep aıtqanbyz», dedi ol.
Esterińizge sala keteıik, buǵan deıin tóralqa basshysy elimizdiń 15 aımaǵyndaǵy kásipkerlermen kezdesip, onda eń ózekti máselelerdi talqylaǵan bolatyn. «Atameken» aǵymdaǵy máselelerdi sheshý úshin bıznespen únemi dıalog júrgizýdi josparlap otyr.
