Krasnyı Iаr aýylynyń joldaryn jóndeý jumystaryna 640 mıllıon teńge bólingen bolatyn. Qazir jol tósemderiniń sapasyna monıtorıng júrgizildi.
– Jol boıyndaǵy qýystardy biteýge qatysty kemshilikter anyqtaldy. Iаǵnı, asfalt betonyn tóseý aldynda emýlsııa tógilmegen. Bul bolashaqta asfalbetonnyń negizgi bólikpen bitisýine kedergi keltiredi. Sondaı-aq asfalt betondyq tósemniń tómengi bóligindegi ózektiń sapasy da tekserilýde. Olar jol aktıvteri sapasynyń ulttyq ortalyǵyndaǵy laboratorııada zertteledi, – deıdi jol aktıvteri sapasy ulttyq ortalyǵy fılıalynyń mamany Talǵat Júsipov.
Saraptamadan keıin joldyń sapasyna qatysty arnaıy sheshim shyǵarylmaq. Onyń jaramdy ne jaramsyz ekendigi zertteýden keıin belgili bolady. Aıta keteıik, monıtorıngtik top ókilderinde oblys ortalyǵyndaǵy joldardyń jaǵdaıyna qatysty da saýaldar týyndap otyr.
– Kókshetaý qalasynda da jol jóndelýde. Degenmen, arnaıy qaqpaqshalardyń sapasy syn kótermeıdi. Osyǵan oraı merdigerler kemshilikti joıýy kerek, – deıdi arnaıy monıtorıngtik toptyń jetekshisi Hasan Erdenov.
«Sapaly jol» baǵdarlamasy sheńberinde mundaı saraptamalyq baqylaý udaıy júrgizilmek. О́ńirdegi barlyq joldardy jóndeý jumystary nazarda bolady.
