Aýdan ortalyǵynda ótken jyldyń jeltoqsan aıynda 4 jer burǵylandy. Igi bastamaǵa «Aýyl – el besigi» baǵdarlamasy aıasynda 7,5 mln teńge bólinipti. Joba jazda eldi mekendegi sý tapshylyǵyn joıýǵa arnalǵan. Aldaǵy jospar – sý saqtaý rezervýarynyń qurylysy.
– Kúnniń kúrt ysýynan jerasty sýlary azaıyp ketti. Uńǵymalardan keletin sý jetkiliksiz. Sondyqtan biz ıtalıandyq sorǵyǵa tapsyrys berdik,– deıdi «Arshaly sý-2030» kásiporny basshysynyń mindetin atqarýshy Grıgorıı Kýtlýbaev.
Arshaly poselkesinde qubyr júıeleri arqyly jazǵy sýarýmen qamtý 15 prosentti ǵana quraıdy. Sýmen jabdyqtaý óńirdiń barlyq aýdandarynda qarqyndy júrip jatyr dep aıtý qıyn. Zerendi aýdanyna qarasty О́zen aýylynyń turǵyndary sý qubyryn tartyp berýdi suraıdy. Bul máseleniń anyq-qanyǵyn bilý úshin biz Kúsep selolyq okrýginiń ákimine jolyqtyq. О́zen aýyly atalǵan okrýgke jatady.
– Aýylda ortalyqtandyrylǵan sý júıesi joq. Baǵdarlama boıynsha aldaǵy ýaqytta О́zen, О́rken aýyldaryna ortalyqtandyrylǵan sý júıesi iske qosylady degen jospar bar, bıyl jobalyq-smetalyq qujattamasyn daıyndaımyz. Sý qoryna qatysty másele týyndaǵan joq. О́tken jyly О́zen aýylyndaǵy mektepke sý tarttyq,–deıdi Kúsep selolyq okrýginiń ákimi Berkende Bekbolatov.
Seksen kóldi Kókshe baýyry sýly, nýly ólke bolsa da, aýyz sýdyń azabyn tartyp kelgen aýyldar az emes. Aldaǵy ýaqytta baǵdarlama aıasynda bul kemshilik joıylatyn tárizdi.
