Halyqaralyq balalardy qorǵaý kúnin merekeleý aıasynda elordalyq jetkinshekterdi aýqymdy aksııalar, baıqaýlar men chellendjder kútip tur. Bıyl alǵash ret is-sharalardyń kóbi onlaın-rejımde ótedi.
О́ziniń shyǵarmashylyq qabiletin kórsetkisi keletinder 65 aksııa men baıqaýǵa qatysa alady.
Atap aıtqanda, balalardyń kórkem óner mektebi 10-16 jas aralyǵyndaǵy balalardy «Barlyǵy balalar úshin» respýblıkalyq sýret salý baıqaýyna qatysýǵa shaqyrady.
Qatysýshylarǵa kelesi taqyryptar usynyldy: «Meniń balalyq shaǵym», «Meniń otbasym», «Baqyt otbasydan bastalady», «Densaýlyqty qorǵaý quqyǵy», «Bala quqyǵy – adam quqyǵy», «Tabysty bolý quqyǵy», «Qoǵam balalyqty qorǵaıdy». Baıqaýdyń nátıjesi boıynsha 25 maýsymda onlaın kórme ótedi.
Budan bólek, Instagram jelisinde kúni boıy balalar psıhology, ishki ister organdarynyń ókilderi, bilim salasynyń mamandary, zańgerler jáne ÚEU qatysýymen tikeleı efır ótedi. Onda ata-analar men balalar qajetti keńes pen quqyqtyq kómek ala alady.
Qıyn jaǵdaıǵa tap bolǵan balalardy qoldaý ortalyǵy jáne «SOS Detskaıa derevnıa Astana» balalar úıiniń tárbıelenýshilerin merekelik baǵdarlama kútip tur. Atap aıtqanda, «Svetık-semısvetık» konserttik baǵdarlamasy, «Svetochnyı perepoloh» shyǵarmashylyq baıqaýy (kostıýmder defılesi, balalar jasaǵan florıstıkalyq óner kórsetilimi), ıntellektýaldyq jarys, «Kartınany boıa» baıqaýy, asfaltta sýret salý jarysy, sporttyq jarystar men kóńildi oıyndar, avtograf PARTY jáne fotossesııa, sondaı-aq balalarǵa arnalyp dastarhan jaıylady.
Aıta keteıik, josparlanǵan is-sharalardyń barlyǵy #NS_balalarkuni_bilim heshtegimen onlaın rejımde ótedi.
