Parlament • 01 Maýsym, 2020

Senat Bıýrosynda Palatanyń kezekti otyrysynyń kún tártibi belgilendi

23 ret kórsetildi

Senat Tóraǵasy Máýlen Áshimbaevtyń tóraǵalyq etýimen ótken Bıýro otyrysynda Palatanyń 4 maýsymǵa josparlanǵan kezekti otyrysynyń kún tártibi belgilendi. Bul týraly Parlament Senatynyń baspasóz qyzmeti habarlady.

Senatorlar aldaǵy otyrysta Eýrazııalyq ekonomıkalyq odaq pen Qytaı Halyq Respýblıkasynyń kedendik shekaralary arqyly ótkiziletin taýarlar men halyqaralyq tasymaldyń kólik quraldary jóninde aqparat almasý týraly kelisimniń ratıfıkasııasyn, zańnamalyq aktilerge soǵys jaǵdaıy, lotereıalar jáne lotereıa qyzmeti máseleleri boıynsha túzetýler engizý týraly zań jobalaryn, sondaı-aq, Qazaqstan Respýblıkasynyń Azamattyq prosestik kodeksine sottar jumysynyń zamanaýı formattaryn endirý, artyq sot rásimderi men shyǵyndaryn qysqartý máseleleri boıynsha túzetýlerdi qaraýdy josparlap otyr.

Bıýroda Májilisten kelip túsken zań jobalary salalyq komıtetter arasynda bólinip berildi.

Qarjy jáne bıýdjet komıteti «Avtomobıl kóligi týraly» Qazaqstan Respýblıkasynyń Zańyna halyqaralyq avtomobıl tasymaldaryn qadaǵalap otyrý máseleleri boıynsha tolyqtyrýlar engizý týraly» zań jobasy boıynsha bas komıtet bolyp belgilendi.

Ekonomıkalyq saıasat, ınnovasııalyq damý jáne kásipkerlik komıteti «Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly» zań jobasy boıynsha budan bylaıǵy pysyqtaý jumystarymen shuǵyldanatyn boldy.

Bas komıtetterge Qazaqstan Respýblıkasy Parlamenti Senatynyń basqa komıtetteriniń usynystaryn jınaqtap qorytý jáne osy qujattar boıynsha qorytyndylar daıyndaý tapsyryldy.

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar