Máselen, qorǵanshylyq boıynsha -10 AEK, patronattyq tárbıede – 6 jasqa deıingi balalarǵa 9 AEK, 6 jastan joǵary balalarǵa - 10 AEK taǵaıyndalady.
Búginde balalarǵa tólenetin járdemaqy kólemin eń tómengi jalaqy deńgeıine sáıkestendirip, kóbeıtýdi qajet etedi. Bul jaǵdaı bala alýǵa úmitkerler sanynyń artýyna, balalar úıi tárbıelenýshileriniń azaıýyna septigin tıgizip, patronatqa berilgen balalardyń qaıtadan balalar úıine oralmaýyna zor múmkindik bermek.
2019-2020 jyldyń mamyr aılaryndaǵy kórsetkish boıynsha 15 bala qamqorshylyq pen qorǵanshylyqqa, patronattyq tárbıege berilse, 11 bala qaıtadan balalar úıine oralǵan. Otbasyndaǵy ómirlik qıyn jaǵdaıdyń saldarynan qaıta balalar úıine oralý, taǵy da jetimdikti seziný - aýyr psıhologııalyq soqqy ekeni anyq.
Basqarma qamqorshylyq jáne qorǵanshylyq máseleleri boıynsha 2019 jyly - 1237 adamǵa, 2020 jyldyń 5 aıynda – 387 ret memlekettik qyzmet kórsetken.
Sondaı-aq, 2019 jyly – 1339, 2020 jyldyń 5 aıynda – 421 sot otyrysyna qatysyp, balalardyń múddesi qorǵaldy.
Balalardyń ómir-súrý sapasyn zerdeleý maqsatynda 2019 jyly – 387, 2020 jyldyń 5 aıynda – 127 turǵyn úıge aktileý jumystary júrgizildi.
Shymkent
