Qazaqstan • 01 Maýsym, 2020

Memlekettik qarjy jónindegi qoǵamdyq keńestiń otyrysy ótti

12 ret kórsetildi

Qarjy, aýdıt, salyq salý jáne quqyq salasyndaǵy qazaqstandyq qoǵamnyń ókilderi – Qoǵamdyq keńeske qatysýshylar Qarjy mınıstrligi men onyń eki Komıtetiniń (QMK jáne IMAK) 2019 jylǵy qyzmetiniń qorytyndylary týraly, bıýdjettik baǵdarlamalardyń jobalary men Mınıstrliktiń strategııalyq josparynyń jobasy týraly aqparatty tyńdady, dep habarlady Qarjy mınıstrliginiń baspasóz ortalyǵy.

Nátıjeler týraly Qarjy birinshi vıse-mınıstri Berik Sholpanqulov baıandady.

Jalpy, Berik Sholpanqululy Mınıstrliktiń qurylymy men shtat sanyn ońtaılandyrý, jekeshelendirý, bıznes-úderisterdi sıfrlandyrý, 2350 aýyldyq okrýgke bıýdjettiń 4-shi deńgeıin engizý, salyqtyq-kedendik ákimshilendirý jáne t. b. boıynsha júrgizilip jatqan jumystar týraly habarlady.

Dástúrli túrde memlekettik satyp alý, ishki memlekettik aýdıt salasyndaǵy jetildirý men jetistikter týraly atap ótildi.

Osylaısha, memlekettik satyp alýda Elektrondyq dúken, Elektrondyq depozıtarıı jáne moderatorlyq ınstıtýt engiziletin bolady.

Bul bir kózden satyp alýdy qysqartýǵa, taýarlardy 1 kún ishinde básekelestik negizde satyp alýǵa, ótinimderdi qaraý jáne zańdy sheshim qabyldaý merzimin qysqartýǵa múmkindik beredi.

Sybaılas jemqorlyq táýekelderin tómendetý jáne memlekettik satyp alý prosesine adam qatysýdy tolyq joıý úshin reıtıngtik-balldyq júıeni engizý usynylady. Veb-portal avtomatty túrde ónim berýshilerge ball sany boıynsha reıtıng beredi, baǵa jáne sapalyq ólshemsharttardy eskere otyryp, konkýrs jeńimpazyn anyqtaıdy.

Memlekettik qyzmet kórsetý sheńberinde 50 memlekettik qyzmet kórsetýdiń 42-si nemese 84%-yavtomattandyryldy. 2019 jyly jáne aǵymdaǵy jyldyń 4 aıynda 30,7 mln. memlekettik qyzmet, onyń 91% astamy elektrondyq túrde kórsetildi.

Qarjy birinshi vıse-mınıstri strategııalyq jospardyń maqsattaryna qol jetkizý jáne bıýdjettik baǵdarlamalardy ıgerý joǵary dárejedegi tıimdilikpen (100-den 94,9 ball) baıqalatynyn habarlady.

Salyqtyq-kedendik ákimshilendirý bóliginde salyqtyq baqylaý úshin sýbektilerdi núkteli irikteýge múmkindik beretin TBJ turaqty jetildiriledi.

Bul sharalar salyqtyq tekseristerdi 29% - ǵa qysqartty.

Bul rette, anyqtalǵan buzýshylyqtardyń somasy 2 esege artty - 344 mlrd.teńge.

Túsimderdiń 36%-ǵa nemese 323 mlrd. teńgege ósýi qamtamasyz etildi.

Sondaı-aq, taýarlardy tazalaý kezeńinde kedendik TBJ tıimdiligi 18%-ǵa (78%-ǵa deıin) jáne kedendik tekserý kezeńinde 26%-ǵa (49%-ǵa deıin) ósti, olar kedendik zańnamany 80 myńnan astam buzýshylyqty anyqtaýǵa múmkindik berdi.

Qarjy monıtorıngi jáne Ishki memlekettik aýdıt komıtetteri qyzmetiniń qorytyndylary boıynsha Qoǵamdyq keńes músheleri oń pikir berdi.

Jalpy, Mınıstrliktiń jumysy ekonomıkanyń turaqty damýy boıynsha strategııalyq mindetterdi iske asyrýǵa, sondaı-aq qazaqstandyqtardyń naqty ál-aýqatyn arttyrýǵa baǵyttalǵan.

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar