Qoǵam • 01 Maýsym, 2020

HQO qyzmetkeri eki birdeı jigittiń ómirin qutqaryp qaldy

534 ret kórsetildi

Almaty qalasy Naýryzbaı aýdandyq Halyqqa qyzmet kórsetý ortalyǵynyń qyzmetkeri Erjan Ábdirazaqov búgin eki adamnyń ómirin qutqaryp qaldy. Bul týraly «Azamattarǵa arnalǵan úkimet» MK Almaty fılıalynyń dırektory Danııar Qyryqbaev óziniń feısbýk paraqshasynda jazdy.

«Erjan saǵat 12-00-de bastalatyn ekinshi aýysymdaǵy jumysyna kele jatyp,  joldaǵy sý qubyry qudyǵynan yńyrsyp jatqan daýystardy estıdi. Jaqyn kelip qarasa, ishinde shyǵýǵa dármensiz, esinen aıyrylǵaly jatqan eki jigitti kóredi. Sol ýaqytta joldan ótip bara jatqan basqa adamdar da jınalyp qalady. Erjan Ábdirazaqov oılanyp jatpastan qudyqqa túsedi. Oǵan Amanjol Janseıitov degen azamat kómektesedi. Ekeýlep júrip es-tússiz jatqan eki azamatty qudyqtan shyǵarady. Jedel-járdem kelip, alǵashqy dárigerlik kómek kórsetip, ári qaraı aýrýhanaǵa alyp ketedi. Jigitter tezirek aıyǵyp, aman-esen qatarǵa qosylsyn!

Al, biz Erjan sııaqty óz qyzmetkerlerimizben maqtanamyz! Ol bizdiń úzdik qyzmetkerlerimizdiń biri. Úsh balanyń ákesi. Beıbit kúnniń batyrlary degen osy!», deıdi «Azamattarǵa arnalǵan úkimet» MK Almaty fılıalynyń dırektory Danııar Qyryqbaev.

Keıin belgili bolǵandaı, «Azamattarǵa arnalǵan úkimet» MK Almaty fılıalynyń qoǵammen baılanys jónindegi menedjeri Jańyl Ápetovanyń aıtýynsha, «Almaty sý memlekettik mekemesiniń jumysshylary Sabdenov pen Begalıev kóshesiniń qıylysyndaǵy káriz qudyǵyna túsken. Ol jerde gaz qubyry bolǵan eken. Gazdan ýlanyp, ekeýi de esten tanǵan. HQO qyzmetkeri Erjan Ádbirazaqov pen jolaı ótip bara jatqan taǵy bir adam qudyqqa túsip, ekeýin alyp shyqqan.

Jedel-járdem jetkenshe, eki jumysshynyń esin jıyp úlgergen. О́z kezeginde «Almaty sý» MKK qoǵammen baılanys bóliminiń jetekshisi Aqbota Jylysova ókilderi qudyqqa qulaǵan eki adamnyń ózderiniń jumysshylary ekenin rastap: «Káriz qudyǵynan qutqarylǵandar – bizdiń jumysshylar. О́tim qyzmeti departamentiniń baqylaýshylary. Jaqyn mańdaǵy dúkenderdiń esepteýish quraldarynyń durys jumysyn tekserip júrgen. Qudyqqa ne úshin túskenderi belgisiz. Eki qyzmetker de qazir aýrýhanada, jaǵdaılary jaqsy emes, ortasha. Sý men káriz qubyrlarynyń qudyǵy birdeı. Olar ony aýyz sýdyń qudyǵy dep shatasyp túsken bolýy múmkin. Ishki tergeý jumystary júrgizilip jatyr», dedi.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar