Aımaqtar • 01 Maýsym, 2020

Shymkentte ónerkásip óndirisiniń kólemin arttyrýǵa basymdyq berilýde

4 ret kórsetildi

Shymkent qalasynyń ákimi Murat Áıtenov qala ekonomıkasynyń damýyna aıtarlyqtaı úles qosyp keletin «Ońtústik» ındýstrıaldy aımaqta ornalasqan birqatar kásiporyndardyń jumysymen tanysty.

Ondaǵy kásipkerlerge memleket tarapynan kórsetiletin qoldaýlardy atap ótip, isker azamattarmen pikir almasty.

Kásiporyndar ekonomıkany ártaraptandyrý isinde tirek kúshke aınalý kerek ekenin aıtqan qala basshysy óndirilip jatqan ónimniń eksportyn arttyrýǵa basymdyq berýdi atap ótti. Sonymen qatar, ol ónerkásip óndirisiniń kólemin arttyrýǵa jáne kásipkerliktiń damýy baǵytynda birqatar naqty tapsyrmalar júktedi.

Indýstrııalyq aımaqqa jasaǵan sapary barysynda qala basshysy «Shymkent Temir» JShS-niń bolat quıý zaýytynyń qurylysymen tanysty. 2018 jyly iske qosylǵan óndiristiń jalpy quny 5,9 mlrd. teńge bolyp otyr. Jylyna 250 myń tonna ónim shyǵarýǵa qaýqarly kásiporynda 300-ge jýyq adam jumyspen qamtylǵan.

Zaýyt - TMD elderinde balamasy joq, zamanaýı qurylǵylarmen jabdyqtalǵan. О́ndiris oshaǵy tolyqtaı iske qosylǵanda jylyna 1 mıllıon tonna ónim alý josparlanyp, 2100 adam jumyspen qamtylady dep kútilýde.

Ákim tanysqan kelesi nysan «Ferrum-Vtor» JShS-nyń bolat quıý sehy. Jobanyń quny 1 mlrd. 244 mln. teńgeni quraıdy, Onda 235 azamat jumyspen qamtylǵan. Munda eýropalyq standarttarǵa saı jáne baǵa jaǵynan tıimdi tot baspaıtyn bolat metaly shyǵarylady.

Budan bólek, Murat Dúısenbekuly alıýmınıı symyn shyǵaratyn seh pen betonnan qurylys materıaldaryn óndiretin kásiporyndardy aralap kórdi.

Aıta keteıik, «Ońtústik» ındýstrıaldy aımaqta qazirgi ýaqytta jalpy quny 41 mıllıard teńge bolatyn 66 joba júzege asyrylyp, 4 myńnan astam jumys orny qurylǵan.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar