Ekonomıka • 01 Maýsym, 2020

OPEK + mınıstrleriniń kezdesýi 4 maýsymda ótýi múmkin

15 ret kórsetildi

OPEK + mınıstrleri kezdesýdi 4 maýsymda ótkizý múmkindigin talqylaýda, dep habarlaıdy TASS agenttigi.

Sonymen birge, derekkózdiń habarlaýynsha, túpkilikti sheshim áli qabyldanǵan  joq. Bári ázirge kelissózder deńgeıinde talqylanyp jatyr.

Bul joly da jıyndar beıneformat úlgisinde ótip, Taıaý Shyǵys elderi kelesi aıdaǵy boljaldy  baǵalar men eksport kestelerin belgileıdi. Aldaǵy birer aıdaǵy munaı baǵasy osy belgilegen shekti baǵalar sheńberinen tómendep ketpeýi tıis. 

Sarapshylardyń paıymdaýynsha, bas qosýdy birer kúnge beri jyljytý týraly bastamany  osy jyly OPEK konferensııasyna tóraǵalyq etetin Aljır jaǵy kóterip otyr.

TASS derekkózderi buǵan deıin OPEK-tiń keıbir elderi óndiristi qysqartý úshin aǵymdaǵy kvotany osy jyldyń sońyna deıin uzartýdy talap etip otyr dep málimdegen bolatyn.  «Biraq Reseıdiń  munaı barrelin kóbeıtý týraly kelisimge kelý  múmkindigi az. Aldaǵy ýaqytta óndiriletin munaı barreli qazirgi kólemnen de qysqarýy múmkin. Biraq AQSh pen Qytaıda óndiris oshaqtary pandemııadan keıin es jııa  bastady. Munaıǵa degen suranysta alǵa jyljýshylyq bar. Reseıdi de, OPEK-ke múshe elderdi de osy faktor úmittendirip otyr», dep habarlaıdy TASS.  

Sáýir kelisimderine sáıkes, OPEK + elderi óndiristi tek mamyr jáne maýsym aılarynda 9,7 mıllıon barrelge qysqartady, al shilde-jeltoqsan aralyǵynda shekteýler 7,7 mıllıon barrelge deıin tómendeýi kerek.

OPEK-ke múshe memleketter bolsa,   mamyr aıyndaǵy sharttardy uzaq merzimge uzartý kerek dep sanaıdy.

 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar